Mark Zuckerberg ಅವರಿಗಾಗಿ ನಿರ್ಮಾಣವಾಗುತ್ತಿದೆ ರಹಸ್ಯ ಸುರಂಗವಿರುವ ಬಂಗಲೆ!

Team Udayavani, Dec 19, 2023, 6:06 AM IST

ವಾಷಿಂಗ್ಟನ್‌: ಖ್ಯಾತ ಉದ್ಯಮಿ ಎಲಾನ್‌ ಮಸ್ಕ್ ಅವರ ರಹಸ್ಯ ಗಾಜಿನ ಬಂಗಲೆ ವಿಚಾರ ಚರ್ಚೆಗೆ ಗ್ರಾಸವಾಗಿದ್ದ ಬೆನ್ನಲ್ಲೇ ಇದೀಗ ಫೇಸ್‌ಬುಕ್‌ನ ಮಾತೃಸಂಸ್ಥೆ ಮೆಟಾದ ಸಿಇಒ ಮಾರ್ಕ್‌ ಜುಕರ್‌ಬರ್ಗ್‌ ರಸಹ್ಯ ಸುರಂಗವಿರುವ ಬೃಹತ್‌ ಬಂಗಲೆಯೊಂದನ್ನು ನಿರ್ಮಿಸಿಕೊಳ್ಳುತ್ತಿದ್ದಾರೆ ಎನ್ನುವ ವಿಚಾರ ಬಹಿರಂಗ ಗೊಂಡಿದೆ.
ಹವಾಯಿಯಲ್ಲಿರುವ ಕೌಯಿ ಎನ್ನುವ ದ್ವೀಪದಲ್ಲಿ 2,240 ಕೋಟಿ ರೂ.ವೆಚ್ಚದಲ್ಲಿ ಈ ಬಂಗಲೆ ನಿರ್ಮಿಸಲಾಗುತ್ತಿದೆ. ಈಗಾ ಗಲೇ ಅದಕ್ಕೆ ಕೂಲೌ ರಾಂಚ್‌ ಎಂಬ ಹೆಸರನ್ನೂ ಇಡಲಾಗಿದೆಯಂತೆ! ಎಲ್ಲಕ್ಕಿಂತ ವಿಶೇಷವಾಗಿ ಈ ಬಂಗಲೆಯಲ್ಲಿ ಬರೋಬ್ಬರಿ 5,000 ಚದರ ಅಡಿ ವಿಸ್ತೀರ್ಣದ ರಹಸ್ಯ ಸುರಂಗವಿರಲಿದ್ದು, ಪ್ರಾಕೃ ತಿಕ ವಿಕೋ ಪ ದಂಥ ಸಂದರ್ಭಗಳಲ್ಲೂ ಸುರಕ್ಷಿತವಾಗಿರುವ ವ್ಯವಸ್ಥೆಯನ್ನು ಈ ಸುರಂಗ ಹೊಂದಿದೆ. ಆಹಾರ, ವಿದ್ಯುತ್‌ ಸೇರಿದಂತೆ ಪ್ರತಿಯೊಂದು ಮೂಲಸೌಕರ್ಯವೂ ಸುರಂಗದಲ್ಲಿದೆ ಎನ್ನಲಾಗಿದೆ.

ಬಂಗಲೆ ವಿಶೇಷ
30 ಬೆಡ್‌ರೂಮ್‌, 30 ಬಾತ್‌ ರೂಮ್‌ಗಳಿರುವ ಬಂಗಲೆ
ಹಗ್ಗದ ಸೇತುವೆ ಇರುವ 12 ಮರದ ಮೇಲಿನ ಮನೆಗಳು
ಗೋಡೆಯಂತೆಯೇ ಕಾಣುವ ಬ್ಲೈಂಡ್ ಡೋರ್‌ಗಳು
5 ಸಾವಿರ ಚದರ ಅಡಿ ವಿಸ್ತೀರ್ಣದ ರಹಸ್ಯ ಸುರಂಗ