ಪೆಟ್ರೋಲ್ ಬೇಕಾದ್ರೆ ಬಿಕಿನಿ ಧರಿಸಿ ಬನ್ನಿ; ಪುಕ್ಸಟ್ಟೆ ಆಫರ್ ಗೆ ಪುರುಷರ ದಂಡು!

Team Udayavani, Nov 18, 2019, 6:33 PM IST

ಮಾಸ್ಕೋ: ಒಂದು ಕೊಂಡರೆ ಒಂದು ಉಚಿತ, ಶೇ.80ರಷ್ಟು ಕಡಿತ, ಶೇ.50ರಷ್ಟು ಕಡಿತ ಹೀಗೆ ಗ್ರಾಹಕರನ್ನು ಆಕರ್ಷಿಸಲು ವಿವಿಧ ರೀತಿಯ ಆಫರ್ ಗಳು ಸಾಮಾನ್ಯ. ಆದರೆ ಉಚಿತ ಪೆಟ್ರೋಲ್ ಬೇಕಾದರೆ ಬಿಕಿನಿ ಧರಿಸಿ ಬನ್ನಿ ಎಂದು ರಷ್ಯಾದಲ್ಲಿರುವ ಪೆಟ್ರೋಲ್ ಬಂಕ್ ನೀಡಿರುವ ಆಫರ್ ಹೆಚ್ಚು ಈಗ ಸದ್ದು ಮಾಡಿದೆ.!

ರಷ್ಯಾದ ಸಾಮಾರಾದಲ್ಲಿರುವ ಓಲ್ವಿ ಎಂಬ ಪೆಟ್ರೋಲ್ ಬಂಕ ಮಾಲೀಕ ಗ್ರಾಹಕರನ್ನು ಸೆಳೆಯಲು ಏನಾದರು ಹೊಸ ಉಪಾಯಕ್ಕೆ ಕೈಹಾಕಬೇಕು ಎಂದು ಆಲೋಚಿಸಿ, ಬಿಕಿನಿ ಧರಿಸಿ ಬಂದವರಿಗೆ ಪುಕ್ಸಟ್ಟೆ ಪೆಟ್ರೋಲ್ ಎಂದು ಆಫರ್ ಕೊಟ್ಟಿರುವುದಾಗಿ ವರದಿ ತಿಳಿಸಿದೆ.

ಆದರೆ ಉಚಿತ ಪೆಟ್ರೋಲ್ ಗಾಗಿ ಬಿಕಿನಿಯನ್ನು ಪುರುಷರು ಧರಿಸಬೇಕೋ ಅಥವಾ ಮಹಿಳೆಯರೋ ಎಂಬುದನ್ನು ಖಚಿತಪಡಿಸಿಲ್ಲವಾಗಿತ್ತು. ಆದರೆ ಇದ್ಯಾವುದನ್ನೂ ಲೆಕ್ಕಕ್ಕೆ ತೆಗೆದುಕೊಳ್ಳದ ಪುರುಷರು ಮಾತ್ರ ಬಿಕಿನಿ ಧರಿಸಿ ನಾ ಮುಂದು, ತಾ ಮುಂದು ಎಂದು ಪುಕ್ಸಟ್ಟೆ ಪೆಟ್ರೋಲ್ ಹಾಕಿಸಿಕೊಂಡಿದ್ದಾರೆ.

ಜನಸಂಖ್ಯೆ ಹೆಚ್ಚಾಗುತ್ತಿದ್ದಂತೆಯೇ ಪೆಟ್ರೋಲ್ ಬಂಕ್ ಮಾಲೀಕ ಈ ಉಚಿತ ಆಫರ್ ಅನ್ನು ನಿಲ್ಲಿಸಿದ್ದರು. ಅಷ್ಟರೊಳಗೆ ಹಲವು ಪುರುಷರು ವಿಭಿನ್ನ ರೀತಿಯಲ್ಲಿ ಬಿಕಿನಿ ಧರಿಸಿ ಬಂದು ಉಚಿತ ಪೆಟ್ರೋಲ್ ತುಂಬಿಸಿಕೊಂಡು ಹೋಗಿದ್ದರು!

Rusyada bir petrol sirketi bikini ile gelene bedava benzin kampanyası yapmış sadece erkekler katılmış ??? pic.twitter.com/wImMtnDY1B

— Hizli (@Hizli067) November 16, 2019

ಅಂತೂ ಬಿಕಿನಿ ಧರಿಸಿದವರಿಗೆ ಮಾತ್ರ ಪುಕ್ಸಟ್ಟೆ ಪೆಟ್ರೋಲ್ ಎಂಬ ಮಾಲೀಕನ ಆಫರ್ ಭರ್ಜರಿಯಾಗಿಯೇ ಪುಕ್ಸಟ್ಟೆ ಪ್ರಚಾರ ಗಿಟ್ಟಿಸಿಕೊಂಡಿದೆ. ಬಿಕಿನಿಡ್ರೆಸ್ ಟ್ವೀಟರ್ ನಲ್ಲಿಯೂ ಟ್ರೆಂಡಿಂಗ್ ಆಗಿತ್ತು. ಪೆಟ್ರೋಲ್ ಗಾಗಿ ಬಿಕಿನಿ ಧರಿಸಿರುವ ಪುರುಷರ ಬಗ್ಗೆ ಹಲವಾರು ಟ್ವೀಟಿಗರು ತಮಾಷೆಯಾಗಿ ಟ್ವೀಟ್ ಮಾಡಿದ್ದಾರೆ.