ಪಾಕ್ ಹೊಸ ವಿದೇಶ ಕಾರ್ಯದರ್ಶಿಯಾಗಲಿರುವ ಅಬ್ದುಲ್ ಬಾಸಿತ್: ವರದಿ
Team Udayavani, Feb 4, 2017, 5:16 PM IST
ಇಸ್ಲಾಮಾಬಾದ್ : ಭಾರತದಲ್ಲಿ ಪಾಕ್ ಹೈಕಮಿಶನರ್ ಆಗಿರುವ 58ರ ಹರೆಯದ ಅಬ್ದುಲ್ ಬಾಸಿತ್ ಅವರು ಈಗಿನ್ನು ದೇಶದ ಹೊಸ ವಿದೇಶ ಕಾರ್ಯದರ್ಶಿಯಾಗಲಿದ್ದಾರೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
ಪ್ರಕೃತ ಪಾಕ್ ವಿದೇಶ ಕಾರ್ಯದರ್ಶಿಯಾಗಿರುವ ಇಜಾಜ್ ಅಹ್ಮದ್ ಚೌಧರಿ ಅವರ ಉತ್ತರಾಧಿಕಾರಿಯಾಗಿ ಅಬ್ದುಲ್ ಬಾಸಿತ್ ಅವರನ್ನು ನೇಮಿಸುವುದಕ್ಕೆ ಪ್ರಧಾನಿ ನವಾಜ್ ಷರೀಫ್ ಸರಕಾರ ತಾತ್ವಿಕವಾಗಿ ನಿರ್ಧರಿಸಿರುವುದಾಗಿ ಮಾಧ್ಯಮ ವರದಿಗಳು ಹೇಳಿವೆ. ಇಜಾಜ್ ಅಹ್ಮದ್ ಚೌಧರಿ ಅವರನ್ನು ಅಮೆರಿಕದಲ್ಲಿ ಪಾಕ್ ರಾಯಭಾರಿಯಾಗಿ ನಿಯುಕ್ತಗೊಳಿಸಲಾಗಿದೆ ಎಂದು “ದ ನ್ಯೂಸ್’ ವರದಿ ಮಾಡಿದೆ.
ಪ್ರಧಾನಿ ನವಾಜ್ ಷರೀಫ್ ಅವರು ವಿದೇಶ ವ್ಯವಹಾರಗಳ ಖಾತೆಯನ್ನು ತಮ್ಮಲ್ಲೇ ಉಳಿಸಿಕೊಂಡಿದ್ದು ವಿದೇಶ ಕಾರ್ಯಾಲಯದ ಮುಖ್ಯಸ್ಥರನ್ನು ನೇಮಿಸುವ ಸಮಾಲೋಚನೆಗಳನ್ನು ಮುಗಿಸಿರುವುದಾಗಿ ಮಾಧ್ಯಮ ವರದಿಗಳು ಹೇಳಿವೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.