ಕೆನಡಾದಲ್ಲಿ ನಟಿ ರಂಭಾ ಕಾರು ಅಪಘಾತ; ಪುತ್ರಿಗೆ ಗಾಯ,ಆಸ್ಪತ್ರೆಗೆ ದಾಖಲು

Team Udayavani, Nov 1, 2022, 6:00 PM IST

ಟೊರೊಂಟೊ: ಕನ್ನಡ, ತೆಲುಗು, ಹಿಂದಿ ಸೇರಿದಂತೆ ಭಾರತದ ಹಲವು ಭಾಷೆಗಳ ಚಲನಚಿತ್ರಗಳಲ್ಲಿ ನಟಿಸಿರುವ ಚಿತ್ರನಟಿ ರಂಭಾ ಅವರ ಕಾರು ಕೆನಡಾದ ಒಂಟಾರಿಯೊದಲ್ಲಿ ಮಂಗಳವಾರ ಅಪಘಾತಕ್ಕೀಡಾಗಿದೆ.

ಅದರಲ್ಲಿ ರಂಭಾ, ಮೂವರು ಮಕ್ಕಳು ಮತ್ತು ದಾದಿ ಇದ್ದರು. ಅಪಘಾತದಿಂದ ಕಾರಿನಲ್ಲಿದ್ದವರಿಗೆ ಸಣ್ಣ-ಪುಟ್ಟ ಗಾಯಗಳಾಗಿವೆ. ಒಬ್ಬ ಮಗಳು ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.

ಈ ಕುರಿತು ಟ್ವೀಟ್‌ ಮಾಡಿರುವ ನಟಿ ರಂಭಾ, “ನಾನು, ದಾದಿಯೊಂದಿಗೆ ಕಾರಿನಲ್ಲಿ ಮಕ್ಕಳನ್ನು ಶಾಲೆಯಿಂದ ಮನೆಗೆ ಕರೆದುಕೊಂಡು ಬರುತ್ತಿದ್ದೆ. ಈ ವೇಳೆ ಇಂಟರ್‌ಸೆಕ್ಷನ್‌ನಲ್ಲಿ ಮತ್ತೊಂದು ಕಾರು ನಮಗೆ ಡಿಕ್ಕಿ ಹೊಡೆಯಿತು. ಸಣ್ಣ-ಪುಟ್ಟ ಗಾಯಗಳಿಂದ ನಾವು ಬಚಾವಾಗಿದ್ದೇವೆ,’ ಎಂದು ಬರೆದುಕೊಂಡಿದ್ದಾರೆ.

Ouw car was hit by another car at an intersection wayback from picking kids from school! “Me with kids and my nanny” All of us are safe with minor injuries ?my little Sasha is still in the hospital ? bad days bad time ??please pray for us ? your prayers means a lot ?? pic.twitter.com/BqgrNjfdpi

— Rambha Indrakumar (@Rambha_indran) November 1, 2022

2010ರಲ್ಲಿ ಉದ್ಯಮಿ ಇಂದ್ರಕುಮಾರ್‌ ಪದ್ಮನಾಥನಿನ್‌ ಅವರನ್ನು ವರಿಸಿದ ರಂಭಾ ಅವರಿಗೆ ಇಬ್ಬರು ಪುತ್ರಿಯರು ಮತ್ತು ಒಬ್ಬ ಪುತ್ರನಿದ್ದಾನೆ. ಅವರು ಪ್ರಸ್ತುತ ಟೊರೊಂಟೊದಲ್ಲಿ ನೆಲೆಸಿದ್ದಾರೆ.