ಅದಾನಿಗೆ ಗ್ರೆಟಾ ಥನ್‌ ಬರ್ಗ್‌ ಶಾಕ್‌

Team Udayavani, Jan 14, 2020, 7:15 AM IST

ಸಿಡ್ನಿ: ಉದ್ಯಮಿ ಗೌತಮ್‌ ಅದಾನಿ ನೇತೃತ್ವದ ಉದ್ದಿಮೆ ಸಮೂಹ ಆಸ್ಟ್ರೇಲಿಯಾದಲ್ಲಿ ಕೈಗೆತ್ತಿಕೊಳ್ಳಲು ಬಯಸಿರುವ ಕಲ್ಲಿದ್ದಲು ಮತ್ತು ರೈಲು ಮಾರ್ಗ ನಿರ್ಮಾಣ ಯೋಜನೆಗೆ ಯುವ ಪರಿಸರ ಹೋರಾಟಗಾರ್ತಿ ಗ್ರೆಟಾ ಥನ್‌ ಬರ್ಗ್‌ ಆಕ್ಷೇಪ ಮಾಡಿದ್ದಾರೆ.

2010ರಿಂದಲೇ ಅದಾನಿ ಸಂಸ್ಥೆ ಆಸೀಸ್‌ನಲ್ಲಿ ಯೋಜನೆ ಕೈಗೆತ್ತಿಕೊಳ್ಳಲು ಉತ್ಸುಕವಾಗಿರುವ ಬಗ್ಗೆ ಪ್ರಕಟಿಸುತ್ತಿದ್ದಂತೆಯೇ ಆ ದೇಶದ ಪರಿಸರವಾದಿಗಳು ಅದಕ್ಕೆ ಪ್ರಬಲ ಆಕ್ಷೇಪ ವ್ಯಕ್ತಪಡಿಸಿದ್ದರು. ಇದೀಗ ಆ ದೇಶದಲ್ಲಿ ಕಾಡ್ಗಿಚ್ಚು ನಿಯಂತ್ರಣ ಮೀರಿ ಹೊಸ ಪ್ರದೇಶಗಳಿಗೆ ವ್ಯಾಪಿಸುತ್ತಿರುವಂತೆಯೇ ಈ ಬೆಳವಣಿಗೆ ನಡೆದಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅದಾನಿ ಸಮೂಹ ಸಂಸ್ಥೆ ಇಂಥ ಪ್ರತಿಭಟನೆಗಳಿಗೆ ಬೆದರುವುದಿಲ್ಲ ಮತ್ತು ಜನರಿಗೆ ಉತ್ತಮ ರೀತಿಯ ಇಂಧನ ಒದಗಿಸಲು ನಾವು ಬದ್ಧ ಎಂದಿದೆ.