AI ನ್ಯೂಸ್‌ ಎಕ್ಸ್‌ರೇ ಸಹಾಯದಿಂದ ವಯಸ್ಸು ಪತ್ತೆ

Team Udayavani, Aug 21, 2023, 8:00 PM IST

ಎದೆಯ ಭಾಗದ ಎಕ್ಸ್‌ರೇ ಸಹಾಯದಿಂದ ಒಬ್ಬ ವ್ಯಕ್ತಿಯ ವಯಸ್ಸು ಪತ್ತೆಹಚ್ಚುವ ಕೃತಕ ಬುದ್ಧಿಮತ್ತೆ(ಎಐ) ಮಾಡೆಲ್‌ ಅನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ. ಈ ನೂತನ ಸಂಶೋಧನೆ ಕುರಿತು ಲಾನ್ಸೆಟ್‌ ಹೆಲ್ತಿ ಲಾಂಗೆವಿಟಿ ನಿಯತಕಾಲಿಕೆಯಲ್ಲಿ ಸಂಶೋಧನಾ ಲೇಖನ ಮಂಡನೆಯಾಗಿದೆ.

ಇದೇ ವೇಳೆ ಈ ಎಐ ಮಾಡೆಲ್‌, ಆ ವ್ಯಕ್ತಿಯಲ್ಲಿರುವ ಅಧಿಕ ರಕ್ತದೊತ್ತಡ ಹಾಗೂ ದೀರ್ಘಕಾಲಿಕ ರೋಗಗಳ ಕುರಿತು ಸಾಂಕೇತಿಕವಾಗಿ ಸೂಚಿಸಲಿದೆ.

ಜಪಾನ್‌ನ ಒಸಾಕಾ ಮೆಟ್ರೋಪಾಲಿಟನ್‌ ವಿಶ್ವವಿದ್ಯಾಲಯದ ಸಂಶೋಧಕರು ಅಭಿವೃದ್ಧಿಪಡಿಸಿರುವ ಈ ಮಾಡೆಲ್‌, ವ್ಯಕ್ತಿಯ ವಯಸ್ಸು ಪತ್ತೆಹಚ್ಚುವ ಜತೆಗೆ ಆರಂಭದಲ್ಲಿ ರೋಗ ಪತ್ತೆಗೆ ಸಹಕಾರಿಯಾಗಿದೆ.

ಸುಮಾರು 67,100 ಚೆಸ್ಟ್‌ ಎಕ್ಸ್‌ರೇ ಸಹಾಯದಿಂದ ಎಐ ಮಾಡೆಲ್‌ಗೆ ತರಬೇತಿ ನೀಡಲಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.