ಅತಿ ಕಡಿಮೆ ದೂರಕ್ಕೆ ವಿಮಾನಯಾನ

Team Udayavani, Jul 2, 2019, 5:00 AM IST

ಅಬುಧಾಬಿ: ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ನ ಎಮಿರೇಟ್ಸ್‌ ವೈಮಾನಿಕ ಸಂಸ್ಥೆಯು ದುಬಾೖ ಮತ್ತು ಮಸ್ಕತ್‌ ಮಧ್ಯೆ ವಿಮಾನಯಾನ ಆರಂಭಿಸಿದ್ದು, ಇದು ವಿಶ್ವದ ಅತ್ಯಂತ ಕಡಿಮೆ ಅವಧಿಯ ವಿಮಾನ ಮಾರ್ಗವಾಗಿದೆ. ಈ ಏರ್‌ಬಸ್‌ ದುಬಾೖ ಮತ್ತು ಮಸ್ಕತ್‌ ಮಧ್ಯೆ 40 ನಿಮಿಷಗಳಲ್ಲಿ ಸಂಚರಿಸುತ್ತದೆ!. ವಿಶೇ ಷ ವೆಂದರೆ, ಈ ಏರ್‌ಬಸ್‌ ಎ380 ವಿಮಾನವನ್ನು ಸ್ವಚ್ಛಗೊಳಿಸಲು ಬೇಕಾಗುವ ಸಮಯ 35 ನಿಮಿಷ.

ಇನ್ನು ದುಬಾೖನಿಂದ ಮಸ್ಕತ್‌ಗೆ ಕೇವಲ 340 ಕಿ.ಮೀ ದೂರವಾಗಿದ್ದು, ಏರ್‌ಬಸ್‌ನಲ್ಲಿ ಅಳವಡಿಸಲಾಗಿರುವ ಕೇಬಲ್‌ನ ಉದ್ದವೇ 500 ಕಿ.ಮೀ ಎಂದು ಎಮಿರೇಟ್ಸ್‌ ಸೋಮ ವಾರ ಟ್ವೀಟ್‌ ಮಾಡಿ ಈ ವಿಮಾನಯಾನ ಮಾರ್ಗದ ವಿಶೇಷಗಳನ್ನು ಪ್ರಕಟಿಸಿದೆ.

ಈ ಸೇವೆಯು ಎಮಿರೇಟ್ಸ್‌ನ ಈ ಹಿಂದಿನ ದಾಖಲೆಯನ್ನೇ ಮೀರಿಸಿದೆ. ಈ ಹಿಂದೆ ಎಮಿರೇಟ್ಸ್‌ ದುಬಾೖನಿಂದ ದೋಹಾಗೆ ಅತಿ ಕಡಿಮೆ ದೂರದ ವಿಮಾನಯಾನ ಆರಂಭಿಸಿತ್ತು. ಅನಂತರ ಉಭಯ ದೇಶಗಳ ಮಧ್ಯದ ಸಂಘರ್ಷದಿಂದ ಇದು ಸ್ಥಗಿತಗೊಂಡಿತ್ತು.