Hostage Released: ಇಬ್ಬರು ಅಮೆರಿಕನ್ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ ಹಮಾಸ್…

Team Udayavani, Oct 21, 2023, 9:43 AM IST

ಗಾಜಾ: ಹಮಾಸ್‌ನ ಮಿಲಿಟರಿ ವಿಭಾಗವಾದ ಅಲ್-ಕಸ್ಸಾಮ್ ಬ್ರಿಗೇಡ್ಸ್, ಕತಾರ್ ಪ್ರಯತ್ನಗಳಿಗೆ ಪ್ರತಿಕ್ರಿಯೆಯಾಗಿ ಮಾನವೀಯ ಆಧಾರದ ಮೇಲೆ ಇಬ್ಬರು ಅಮೆರಿಕನ್ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.

ಯುಎಸ್ ಆರೋಪಗಳು “ಸುಳ್ಳು ಮತ್ತು ಆಧಾರರಹಿತ” ಎಂದು ಸಾಬೀತುಪಡಿಸಲು ಇದು ಈ ಕ್ರಮವನ್ನು ಮಾಡಿದೆ ಎಂದು ಬ್ರಿಗೇಡ್ ಗಳು ಹೇಳಿವೆ. ಸುಮಾರು ಎರಡು ವಾರಗಳ ಹಿಂದೆ ಸಂಘರ್ಷ ಪ್ರಾರಂಭವಾದ ನಂತರ ಗಾಜಾ-ಆಡಳಿತದ ಗುಂಪು ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ್ದು ಇದೇ ಮೊದಲು ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಬಿಡುಗಡೆಯಾದ ಇಬ್ಬರು ಅಮೆರಿಕನ್ನರನ್ನು ಜುಡಿತ್ ತೈ ರಾನನ್ ಮತ್ತು ಅವರ 17 ವರ್ಷದ ಮಗಳು ನತಾಲಿ ರಾನನ್ ಎಂದು ಗುರುತಿಸಲಾಗಿದೆ, ಇಬ್ಬರೂ ಚಿಕಾಗೋದಿಂದ ಬಂದಿದ್ದಾರೆ ಎಂದು ಸಿಎನ್‌ಎನ್ ವರದಿ ಮಾಡಿದೆ.

ಇಸ್ರೇಲಿ ವಿದೇಶಾಂಗ ಸಚಿವಾಲಯದ ಪ್ರಕಾರ ಇಬ್ಬರು ಅಮೆರಿಕನ್​ ಪ್ರಜೆಗಳನ್ನು ಹಮಾಸ್​, ರೆಡ್​ಕ್ರಾಸ್​ಗೆ ಸಂಸ್ಥೆಗೆ ಹಸ್ತಾಂತರ ಮಾಡಿದ್ದು, ಅಲ್ಲಿಂದ ಅಮ್ಮ-ಮಗಳನ್ನು ಸೆಂಟ್ರಲ್ ಇಸ್ರೇಲ್‌ನಲ್ಲಿರುವ ಸೇನಾ ನೆಲೆಗೆ ಕರೆದೊಯ್ಯಲಾಯಿತು ಎಂದು ವರದಿ ತಿಳಿಸಿದೆ.

ಹಮಾಸ್ ಇಸ್ರೇಲ್‌ ನಡುವಿನ ಸಂಘರ್ಷದ ಸಮಯದಲ್ಲಿ ಈ ಇಬ್ಬರನ್ನು ಒತ್ತೆಯಾಳು ಆಗಿ ಇರಿಸಲಾಗಿತ್ತು ಸದ್ಯ ಅರೋಗ್ಯ ಸರಿ ಇರದ ಕಾರಣ ಮಾನವೀಯ ನೆಲೆಯಲ್ಲಿ ಬಿಡುಗಡೆ ಮಾಡಲಾಗಿದ್ದು ಇಬ್ಬರೂ ಮಹಿಳೆಯರು ಇದೀಗ ಇಸ್ರೇಲಿ ಅಧಿಕಾರಿಗಳ ವಶದಲ್ಲಿದ್ದು. ಮುಂದಿನ ದಿನಗಳಲ್ಲಿ ಯುಎಸ್​ ರಾಯಭಾರ ಕಚೇರಿಯ ತಂಡವು ಅವರಿಬ್ಬರನ್ನು ಮರಳಿ ಕರೆತರಲಿದೆ ಎಂದು ಯುಎಸ್ ವಿದೇಶಾಂಗ ಕಾರ್ಯದರ್ಶಿ ಹೇಳಿದ್ದಾರೆ.

I just spoke with the two Americans released today after being held hostage by Hamas. I let them know that their government will fully support them as they recover and heal.

Jill and I will continue holding close in our hearts all the families of unaccounted for Americans. pic.twitter.com/oXk6gfrD8M

— President Biden (@POTUS) October 20, 2023