Washington: ಅಮೆರಿಕದ ಭರವಸೆಯಬೆಳಕು ಜೀವಂತವಿರಲಿದೆ: ಕಮಲಾ ಭಾವುಕ ಭಾಷಣ

Team Udayavani, Nov 8, 2024, 7:10 AM IST

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋತ ಬಳಿಕ ಬೆಂಬಲಿಗರನ್ನು ಉದ್ದೇಶಿಸಿ ಭಾವನಾತ್ಮಕ ಭಾಷಣ ಮಾಡಿದ ಡೆಮಾಕ್ರಾಟ್‌ ನಾಯಕಿ ಕಮಲಾ ಹ್ಯಾರಿಸ್‌, ನಾನು ಈ ಚುನಾವಣೆಯನ್ನು ಬಿಟ್ಟುಕೊಟ್ಟಿರಬಹುದು, ಆದರೆ ಹೋರಾಟವನ್ನಲ್ಲ ಎಂದಿದ್ದಾರೆ.

15 ನಿಮಿಷ ಮಾತ್ರ ಮಾತನಾಡಿದ ಅವರು, “ಈ ಫ‌ಲಿ ತಾಂಶ ಅನಿರೀಕ್ಷಿತವಾಗಿದ್ದರೂ, ಸೋಲನ್ನು ನಾನು ಒಪ್ಪಿಕೊಳ್ಳುತ್ತೇನೆ. ಅಮೆರಿಕದ ಭರವಸೆಯ ಬೆಳಕು ಯಾವತ್ತೂ ಪ್ರಕಾಶಮಾನವಾಗಿ ಬೆಳಗಲಿದೆ. ಕಾನೂನು ಮತ್ತು ನ್ಯಾಯಕ್ಕಾಗಿ ನಮ್ಮ ಹೋರಾಟ ಮುಂದುವರಿಯಲಿದೆ ನಿಮ್ಮೆಲ್ಲರ ಬೆಂಬಲಕ್ಕೆ, ನನ್ನ ಮೇಲಿಟ್ಟಿರುವ ನಂಬಿಕೆಗೆ ಅಭಾರಿಯಾಗಿದ್ದೇನೆ. ಅಧಿಕಾರ ವರ್ಗಾವಣೆ ಸುಗಮವಾಗಿಸಲು ನಾವು ಟ್ರಂಪ್‌ಗೆ ಸಹಕರಿಸುತ್ತೇವೆ’ ಎಂದಿದ್ದಾರೆ.

ಇದೇ ವೇಳೆ, ಅಧ್ಯಕ್ಷ ಬೈಡೆನ್‌ ಅವರು ಕಮಲಾ ರನ್ನು ಶ್ಲಾಘಿಸಿದ್ದು, ಕಮಲಾ ಅಸಾಮಾನ್ಯ ಸನ್ನಿವೇಶದಲ್ಲಿ ಐತಿಹಾಸಿಕ ಅಭಿಯಾನ ನಡೆ ಸಿದ್ದಾರೆ ಎಂದಿದ್ದಾರೆ.