ಆ್ಯಪಲ್‌ಗೆ ಅನುಮತಿ ನಿರೀಕ್ಷೆ

Team Udayavani, Nov 3, 2018, 7:15 AM IST

ನ್ಯೂಯಾರ್ಕ್‌: ಆ್ಯಪಲ್‌ ಸಂಸ್ಥೆಯ ಉತ್ಪನ್ನಗಳನ್ನು ಭಾರತದಲ್ಲಿ ನೇರವಾಗಿ ಮಾರಾಟ ಮಾಡುವ ಅವಕಾಶವನ್ನು ಭಾರತ ಸದ್ಯದಲ್ಲೇ ಕಲ್ಪಿಸಲಿದೆ ಎಂಬ ಆಶಾವಾದವನ್ನು ಸಂಸ್ಥೆಯ ಮುಖ್ಯ ಆಡಳಿತಾಧಿಕಾರಿ ಟಿಮ್‌ ಕುಕ್‌ ವ್ಯಕ್ತಪಡಿಸಿದ್ದಾರೆ. ಜುಲೈನಿಂದ ಅಕ್ಟೋಬರ್‌ವರೆಗಿನ ತ್ರೈಮಾಸಿಕ ಆದಾಯ ಪ್ರಕಟಿಸಲು ಕರೆಯಲಾಗಿದ್ದ ಸುದ್ದಿಗೋಷ್ಠಿ ಯಲ್ಲಿ ಮಾತನಾಡಿದ ಅವರು, “ಸದ್ಯಕ್ಕೆ ಭಾರತದಲ್ಲಿ ಆ್ಯಪಲ್‌ ಸಂಸ್ಥೆಗೆ ನೇರ ಮಾರಾಟಕ್ಕೆ ಅವಕಾಶವಿಲ್ಲ.  ಈ ಬಗ್ಗೆ ನಾವು ಭಾರತದೊಂದಿಗೆ ಮಾತುಕತೆ ನಡೆಸುತ್ತಿದ್ದೇವೆ. ನಮ್ಮ ಮನವಿಗೆ ಸಕಾರಾತ್ಮಕ ಸ್ಪಂದನೆ ಸಿಗಬಹುದೆಂಬ ಆಶಾಭಾವ ನನ್ನದು. ಅನುಮತಿ ಸಿಕ್ಕಲ್ಲಿ ಸಂಸ್ಥೆ ವತಿಯಿಂದ ಭಾರತದ ನಾನಾ ನಗರಗಳಲ್ಲಿ ಅಧಿಕೃತ ಮಾರಾಟ ಮಳಿಗೆಗಳನ್ನು ತೆರೆಯಲಾಗುವುದು” ಎಂದಿದ್ದಾರೆ.