ಚೀನ ಕೆಮರಾಗಳಿಗೆ ವಿದಾಯ 

Team Udayavani, Feb 10, 2023, 7:50 AM IST

ಕ್ಯಾನ್‌ಬೆರಾ: ಆಸ್ಟ್ರೇಲಿಯಾದ ಸರಕಾರಿ ಕಚೇರಿಗಳಲ್ಲಿ ಅಳವಡಿಸಲಾಗಿದ್ದ ಚೀನ ನಿರ್ಮಿತ ಸಿಸಿಟಿವಿ ಕೆಮರಾಗಳನ್ನು ತೆಗೆಯಲು ನಿರ್ಧರಿಸಲಾಗಿದೆ.  ಅಮೆರಿಕ, ಭಾರತ ಸಹಿತ  ಹಲವು ರಾಷ್ಟ್ರಗಳಿಗೆ ಬಲೂನ್‌ ಮೂಲಕ ಚೀನ ಬೇಹುಗಾರಿಕೆ ನಡೆಸಿದೆ ಎಂಬ ಅಂಶ ದೃಢ ಪಟ್ಟಿರುವಂತೆಯೇ ಈ ಕ್ರಮ ಕೈಗೊಳ್ಳಲಾಗಿರುವುದು ಗಮನಾರ್ಹ.

ಸೈಬರ್‌ ಸೆಕ್ಯುರಿಟಿ ಸಚಿವ ಜೇಮ್ಸ್‌ ಪ್ಯಾಟರ್ಸನ್‌ ಈ ಬಗ್ಗೆ ಮಾತನಾಡಿ ಚೀನದ ಹಿಕ್‌ವಿಷನ್‌ ಹಾಗೂ ದಹುವಾ ಸಂಸ್ಥೆ

ಗಳು ಅಭಿವೃದ್ಧಿಪಡಿಸಿರುವ 913 ಸಿ.ಸಿ.ಕೆಮರಾಗಳನ್ನು ಸರಕಾರದ 250 ಕಚೇರಿಗಳಲ್ಲಿ ಅಳವಡಿಸಲಾಗಿದೆ.ಉಪಕರಣ ಗಳಲ್ಲಿ ಬೇಹುಗಾರಿಕೆಗೆ ಸಂಬಂಧಿಸಿದ ತಂತ್ರಜ್ಞಾನ ಬಳಕೆಯಾಗಿರುವ ಹಿನ್ನೆಲೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ ಎಂದಿದ್ದಾರೆ. ಅಮೆರಿಕ ಮತ್ತು ಯು.ಕೆ. ಸರಕಾರಗಳು ಹಿಕ್‌ವಿಷನ್‌ ಹಾಗೂ ದಹುವಾ ಕಂಪೆನಿಗಳ ಉತ್ಪನ್ನಗಳಿಗೆ ಈಗಾಗಲೇ ನಿಷೇಧ ಹೇರಿವೆ.

ಅಮೆರಿಕ ವಿರುದ್ಧ ಆಕ್ರೋಶ: ಇದೇ ವೇಳೆ, ಚೀನದ ಬಲೂನ್‌ಗಳು ಗೂಢಚರ್ಯೆ ಮಾಡುತ್ತಿವೆ ಎಂದು ಆರೋಪ ಮಾಡುವ ಮೂಲಕ ಅಮೆರಿಕ, ಚೀನದ ವಿರುದ್ಧ ಮಾಹಿತಿ ಯುದ್ಧ ಸಾರುತ್ತಿದೆ ಎಂದು  ಆ ದೇಶದ ವಿದೇಶಾಂಗ ಸಚಿವಾಲಯ ದೂರಿದೆ. ಬೇಹುಗಾರಿಕೆ ಬಲೂನ್‌ಗಳನ್ನು ಚೀನ ಹಲವು ವರ್ಷಗಳಿಂದ ಬಳಸುತ್ತಿದೆ ಎಂದಿರುವ ಅಮೆರಿಕದ ಆರೋಪ ಸುಳ್ಳು ಎಂದಿದೆ.