ಈ ಮಗುವಿಗೂ 9 ಅಂಕೆಗೂ ಇನ್ನಿಲ್ಲದ ನಂಟು!

Team Udayavani, Oct 2, 2019, 5:26 PM IST

ಲಂಡನ್: ಜಾರ್ಜಿಯಾದ ಈ ಹೆಣ್ಣು ಮಗು ಈಗ ವಿಶ್ವದೆಲ್ಲೆಡೆ ಕುತೂಹಲದ ಕೇಂದ್ರ ಬಿಂದು. ಕಾರಣ, 9 ಸಂಖ್ಯೆಗೂ ಈಕೆಗೂ ಬಿಡಿಸಲಾರದ ನಂಟು. ಈಕೆ ಜನಿಸಿದ ಸಮಯ, ದಿನಾಂಕ, ಉದ್ದ ಎಲ್ಲದರಲ್ಲೂ 9 ಪುನರಾವರ್ತನೆಯಾಗಿದೆ.

ಈಕೆಗೆ ಕ್ಯಾಥರೀನ್ ಎಂದು ಹೆಸರಿಡಲಾಗಿದೆ. ಕ್ರಿಸ್ಟಿನಾ ಬ್ರೋವರ್ ಎಂಬಾಕೆ ತಾಯಿಯಾಗಿದ್ದು, ಈ 9ರ ಗುಟ್ಟನ್ನು ಬಿಚ್ಚಿಟ್ಟಿದ್ದಾಳೆ. ಸೆ.25ರಂದು ಹೆರಿಗೆಗೆ ದಿನ ಕೊಡಲಾಗಿತ್ತು.. ಆದರೆ 19ರ ಬೆಳಗ್ಗೆ 6 ಗಂಟೆಗೇ ಆಕೆಗೆ ನೋವು ಆರಂಭವಾಗಿತ್ತಂತೆ. ಕೊನೆಗೆ ರಾತ್ರಿ 9.19ಕ್ಕೆ ಆಕೆ ಜನಿಸಿದ್ದಾಳೆ. ಮಗು ಹುಟ್ಟಿದ ಹೊತ್ತು 9.19, ದಿನಾಂಕ 9/19/19, ಉದ್ದ 19 ಇಂಚು ಇದ್ದಾಳೆ. ಮನೆಗೂ ಆಸ್ಪತ್ರೆಗೂ ಹೆಚ್ಚು ದೂರವಿಲ್ಲದ್ದರಿಂದ ಕೂಡಲೇ ಆಸ್ಪತ್ರೆಗೆ ದಾಖಲಾಗಿದ್ದಾಗಿ ತಾಯಿ ಹೇಳಿದ್ದಾಳೆ. ತನ್ನ ಮಗಳಿಗೆ ಮುಂದೆ 19 ಫೆವರಿಟ್ ಸಂಖ್ಯೆಯಾಗಬಹುದು ಎಂದು ಆಕೆ ಹೇಳಿದ್ದಾಳೆ. 9ರ ಕ್ಯಾಥರೀನ್ ಜನನ ಈಗ ದೇಶಾದ್ಯಂತ ಸುದ್ದಿಯಾಗಿದೆ.