Bangladesh; ಶೇಖ್‌ ಹಸೀನಾ ಪಕ್ಷದ ಬೆಂಬಲಿಗರನ್ನು ಬಂಧಿಸಿದ ಸೇನೆ

Team Udayavani, Nov 11, 2024, 1:13 AM IST

ಢಾಕಾ: ಮಹಮ್ಮದ್‌ ಯುನೂಸ್‌ ನೇತೃತ್ವದ ಮಧ್ಯಾಂತರ ಸರಕಾರದ ವಿರುದ್ಧ ಢಾಕಾದಲ್ಲಿ ಪ್ರತಿಭಟನೆಗೆ ಸಜ್ಜಾಗುತ್ತಿದ್ದ ಮಾಜಿ ಪ್ರಧಾನಿ ಶೇಖ್‌ ಹಸೀನಾ ನೇತೃತ್ವದ ಅವಾಮಿ ಲೀಗ್‌ ಪಕ್ಷದ ನೂರಾರು ಕಾರ್ಯಕರ್ತರು, ಬೆಂಬಲಿಗರನ್ನು ಸೇನೆ ಬಂಧಿಸಿದೆ. ಆ.5ರಂದು ಹಸೀನಾ ನೇತೃತ್ವದ ಸರಕಾರ ಪತನಗೊಂಡ ಬಳಿಕ ಮೊದಲ ಬಾರಿಗೆ ವಿದ್ಯಾರ್ಥಿ ವಿಭಾಗದ ನಿಷೇಧ, ಸುಳ್ಳು ಮೊಕದ್ದಮೆ ದಾಖಲಿಸಲಾಗುತ್ತಿರುವು ದನ್ನು ಖಂಡಿಸಿ ಬೃಹತ್‌ ಪ್ರತಿಭಟನೆ ಆಯೋಜಿಸಲು ಮುಂದಾಗಿತ್ತು.

ಕೂಡಲೇ ಕಾರ್ಯಾಚರಣೆ ನಡೆಸಿದ ಸೇನೆ ಮುಖಂಡರು, ಕಾರ್ಯಕರ್ತರನ್ನು ಬಂಧಿಸಿತು. ಅದಕ್ಕೆ ಪೂರಕವಾಗಿ ವಿದ್ಯಾ ರ್ಥಿ ಗಳ ಗುಂಪು ಕೂಡ ಪ್ರತಿಭಟನೆಗೆ ಅವಕಾಶ ಕೊಡದಂತೆ ಸೇನೆಗೆ ನೆರವು ನೀಡಿದೆ. ಹಲವು ಸ್ಥಳಗಳಲ್ಲಿ ಬಿಗಿ ಪೊಲೀಸ್‌ ಬಂದೋಬಸ್ತ್ ಇದ್ದರೂ ಅಲ್ಲಲ್ಲಿ ಘರ್ಷಣೆಗಳು ನಡೆದ ಬಗ್ಗೆ ವರದಿಯಾಗಿದೆ.

ಟ್ರಂಪ್‌ ಗೆಲುವಿನ ಸಂಭ್ರಮಕ್ಕೆ ತಡೆ
ಅಮೆರಿಕ ಚುನಾವಣೆಯಲ್ಲಿ ಟ್ರಂಪ್‌ ಆಯ್ಕೆಯಾಗಿ ರುವುದಕ್ಕೆ ಹರ್ಷ ವ್ಯಕ್ತಪಡಿಸಿ ಢಾಕಾದಲ್ಲಿ ಆಯೋ­ಜಿಸಲು ಉದ್ದೇ ಶಿ ಸಿದ್ದ ಕಾರ್ಯ­ಕ್ರಮಕ್ಕೆ ಸೈನಿಕರು ತಡೆಯೊಡ್ಡಿದ್ದಾರೆ. ಪ್ಲಕಾರ್ಡ್‌ ಸಹಿತ ಮೆರವಣಿಗೆ ನಡೆ­ಸು­ವುದಕ್ಕೆ ನಿಷೇದ ಹೇರಿದ ಅಧಿ­ಕಾರಿ­ಗಳು, ಮೆರವಣಿಗೆ ಆಯೋಜಕ ರನ್ನು ಬಂಧಿಸಿದ್ದಾರೆ. ಕೆಲವು ದಿನಗಳ ಹಿಂದೆ ಟ್ರಂಪ್‌ ಹಿಂದೂಗಳ ಮೇಲಿನ ದಾಳಿ ಖಂಡಿಸಿದ್ದರು.