ಕಾಬೂಲ್‌ನಲ್ಲಿ ಒಂದೇ ಸ್ಥಳದಲ್ಲಿ ಅವಳಿ ಸ್ಫೋಟ : ನಾಲ್ವರು ಬಲಿ

Team Udayavani, Apr 30, 2018, 11:04 AM IST

ಕಾಬೂಲ್‌ : ಅಫ್ಘಾನಿಸ್ಥಾನದ ರಾಜಧಾನಿ ಕಾಬೂಲ್‌ನಲ್ಲಿ ಇಂದು ಸೋಮವಾರ ಬೆಳಗೆ ಸಂಭವಿಸಿದ ಎರಡು ಸ್ಫೋಟಗಳಿಗೆ ನಾಲ್ವರು ಬಲಿಯಾಗಿರುವುದು ವರದಿಯಾಗಿದೆ. ಮೊದಲ ಬ್ಲಾಸ್ಟ್‌ ಸಂಭವಿಸಿದ ಅರ್ಧ ತಾಸಿನ ಬಳಿಕ ಎರಡನೇ ಬ್ಲಾಸ್ಟ್‌ ಸಂಭವಿಸಿದೆ. 

ಮೊದಲನೇ ಸ್ಫೋಟ ಸಂಭವಿಸಿದ ಕೂಡಲೇ ಜನರ ನೆರವಿಗೆ ಧಾವಿಸಿ ಬಂದವರಿಗೆ ಎರಡನೇ ಸ್ಫೋಟದ ಆಘಾತ ಕಾದಿತ್ತು. ಹಾಗಾಗಿ ಮೃತರ ಸಂಖ್ಯೆ ಜಾಸ್ತಿಯಾಯಿತು. ಅದೇ ರೀತಿ ಗಾಯಾಳುಗಳ ಸಂಖ್ಯೆಯೂ ಏರಿದೆ. 

ನಗರದ ಪಿಡಿ9 ಜಿಲ್ಲೆಯ ಶಶಧರಾಕ್‌ ಪ್ರದೇಶದಲ್ಲಿ ಈ ಅವಳಿ ಸ್ಫೋಟಗಳು ಸಂಭವಿಸಿವೆ. 

ಈ ಸ್ಫೋಟಗಳು ಅಫ್ಘಾನಿಸ್ಥಾನದ ಪ್ರಾಥಮಿಕ ಗುಪ್ತಚರ ಸಂಸ್ಥೆಯಾದ  ರಾಷ್ಟ್ರೀಯ ಭದ್ರತಾ ನಿರ್ದೇಶನಾಲಯದ ಸಮೀಪವೇ ಸಂಭವಿಸಿರುವುದಾಗಿ ವರದಿಗಳು ತಿಳಿಸಿವೆ. 

ಹೆಚ್ಚಿನ ವಿವರಗಳನ್ನು ಎದುರು ನೋಡಲಾಗುತ್ತಿದೆ.