ಬ್ರೆಜಿಲ್‌ಗ‌ೂ ಮುಚ್ಚಿದ ಅಮೆರಿಕ ಬಾಗಿಲು

Team Udayavani, May 26, 2020, 7:51 AM IST

ಬ್ರೆಜಿಲ್‌ನಿಂದ ಆಗಮಿಸುವ ಪ್ರವಾಸಿಗರ ನಿಷೇಧಕ್ಕೆ ಅಮೆರಿಕ ಸರಕಾರ ನಿರ್ಧರಿಸಿದ್ದಾರೆ. ಸೋಂಕಿತರ ಸಂಖ್ಯೆ ಆಧಾರದಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿದ್ದು, ಒಂದೆರಡು ದಿನ ಹಿಂದಷ್ಟೇ ಬ್ರೆಜಿಲ್‌ ಎರಡನೇ ಸ್ಥಾನಕ್ಕೆ ಏರಿದ ಪರಿಣಾಮ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಈಗಾಗಲೇ ಚೀನ, ಯುರೋಪ್‌, ಯುಕೆ ಮತ್ತು ಐರ್ಲೆಂಡ್‌ ಪ್ರಯಾಣಿಕರು ಅಮೆರಿಕ ಪ್ರವೇಶಿಸುವುದನ್ನು ನಿಷೇಧಿಸಲಾಗಿದೆ. ಇರಾನ್‌ ದೇಶವಾಸಿಗಳಿಗೂ ವಿರಳ ಅವಕಾಶವಿದೆ. ಆದರೆ ಅತಿ ಹೆಚ್ಚು ಸೋಂಕಿತರನ್ನು ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ರಷ್ಯಾದಿಂದ ಅಮೆರಿಕಗೆ ಬರುವವರಿಗೆ ಮಾತ್ರ ನಿಷೇಧವಿಲ್ಲ. ಈ ನಡುವೆ ಬ್ರೆಜಿಲ್‌ನಿಂದ ಅಮೆರಿಕಗೆ ಪ್ರಯಾಣ ಬೆಳೆಸುವುದನ್ನು ನಿರ್ಬಂಧಿಸುವ ಕುರಿತು ಚಿಂತನೆ ನಡೆಸುತ್ತಿರುವುದಾಗಿ ಕಳೆದವಾರವಷ್ಟೇ ಹೇಳಿದ್ದ ಟ್ರಂಪ್‌, ಇದೀಗ ಪ್ರವೇಶ ನಿಷೇಧಿಸಿದ್ದಾರೆ.