ಹುತಾತ್ಮ ಯೋಧನ ತಲೆಬುರುಡೆ ಭಾರತಕ್ಕೆ?

Team Udayavani, Apr 16, 2018, 8:50 AM IST

ಲಂಡನ್‌: 1857ರ ಸಿಪಾಯಿ ದಂಗೆಯಲ್ಲಿ ಹೋರಾಡಿ ಸಾವನ್ನಪ್ಪಿದ ಯೋಧನ ತಲೆಬುರುಡೆ ಸಿಕ್ಕಿದ್ದು, ಇದನ್ನು ಭಾರತಕ್ಕೆ ಕಳುಹಿಸಿ, ಭಾರತದಲ್ಲೇ ಸಮಾಧಿ ಮಾಡಬೇಕು ಎಂದು ಬ್ರಿಟಿಷ್‌ ಇತಿಹಾಸಕಾರ ಡಾ| ಕಿಮ್‌ ವಾಗ್ನರ್‌ ಆಗ್ರಹಿಸಿದ್ದಾರೆ. ಈಗಿನ ಪಾಕ್‌ ಹಾಗೂ ಭಾರತದ ಗಡಿಯಲ್ಲಿ ರಾವಿ ನದಿ ದಂಡೆಯ ಮೇಲೆ ಟ್ರಿಮ್ಮು ಘಾಟ್‌ನಲ್ಲಿ ನಡೆದ ಕಾಳಗದಲ್ಲಿ ಆಲಮ್‌ ಬೇಗ್‌ ದಂಗೆ ಎದ್ದಿದ್ದರು. 1963ರಲ್ಲಿ ಲಂಡನ್‌ನಲ್ಲಿ ಲಾರ್ಡ್‌ ಕ್ಲೈಡೆ ಪಬ್‌ನ ಕೋಣೆಯೊಂದರಲ್ಲಿ ಇವರ ತಲೆಬುರುಡೆ ಸಿಕ್ಕಿತ್ತು. ಜತೆಗೆ ಬೇಗ್‌ ಬಗ್ಗೆ ಮಾಹಿತಿಯೂ ಇತ್ತು. ಈ ತಲೆಬುರುಡೆಯನ್ನು ಇಂಗ್ಲೆಂಡ್‌ಗೆ ಕ್ಯಾಪ್ಟನ್‌ ಎ ಆರ್‌ ಕಾಸ್ಟೆಲ್ಲೋ ತಂದಿದ್ದರು ಎನ್ನಲಾಗಿದೆ. ಸಿಪಾಯಿ ದಂಗೆ ಬಗ್ಗೆ ಕೃತಿ ರಚಿಸಿದ ಕಿಮ್‌ ಇದೀಗ ಈ ತಲೆಬುರುಡೆಯನ್ನು ಭಾರತಕ್ಕೆ ಹಸ್ತಾಂತರಿಸುವ ಸಂಬಂಧ ಉಭಯ ದೇಶಗಳ ರಾಯಭಾರ ಕಚೇರಿ ಜತೆ ಮಾತುಕತೆ ನಡೆಸುತ್ತಿದ್ದಾರೆ.