ಮರಣದಂಡನೆಗೊಳಗಾಗಿದ್ದ ಕೇರಳ ಮೂಲದ ವ್ಯಕ್ತಿಗೆ ಜೀವದಾನ ನೀಡಿದ ಉದ್ಯಮಿ

Team Udayavani, Jun 4, 2021, 6:40 AM IST

ಅಬುದಾಭಿ: ಯುಎಇಯ ಅಬಧಾಬಿಯಲ್ಲಿ ಮರಣದಂಡನೆಗೊಳಗಾಗಿದ್ದ ಕೇರಳಿಗ ಬೆಕ್ಸ್‌ ಕೃಷ್ಣನ್‌ ಅಕ್ಷರಶಃ ಜೀವದಾನ ಪಡೆದಿದ್ದಾರೆ!

ಅವರನ್ನು  ಖ್ಯಾತ ಉದ್ಯಮಿ, ಲುಲು ಗ್ರೂಪ್‌ ಮುಖ್ಯಸ್ಥ ಎಂ.ಎ.ಯೂಸುಫ್ ಅಲಿ 1 ಕೋಟಿ ರೂ. ಪರಿಹಾರ ನೀಡಿ ರಕ್ಷಿಸಿದ್ದಾರೆ. 2012ರಲ್ಲಿ ಅವರು ಬೇಕಾಬಿಟ್ಟಿ ಕಾರು ಚಲಾಯಿಸಿ ದ್ದರಿಂದ ಸೂಡಾನ್‌ನ  ಬಾಲಕ ಮೃತಪಟ್ಟಿದ್ದ.

ಈ ಹಿನ್ನೆಲೆಯಲ್ಲಿ ಅವರಿಗೆ ಯುಎಇ ಸುಪ್ರೀಂ ಕೋರ್ಟ್‌ ಮರಣದಂಡನೆ ವಿಧಿಸಿತ್ತು. ಕೃಷ್ಣನ್‌ ಕುಟುಂಬ ಅಲಿ ಅವರಿಗೆ ಸಮಸ್ಯೆ ವಿವರಿಸಿತು. ಬಾಲಕನ ಕುಟುಂಬವನ್ನು ಸುಡಾನ್‌ನಿಂದ ಕರೆಯಿಸಿಕೊಂಡು ಕುಟುಂಬಕ್ಕೆ ತಾವೇ 1 ಕೋಟಿ ರೂ. ಪರಿಹಾರಧನ ನೀಡಿದರು.

ಬಳಿಕ  ಕುಟುಂಬ ಕೃಷ್ಣನ್‌ರನ್ನು ಕ್ಷಮಿಸಲು ಒಪ್ಪಿತು. ಸುಪ್ರೀಂ ಕೋರ್ಟ್‌ ಕೂಡ ಕೃಷ್ಣನ್‌ ಅವರನ್ನು ಬಿಡುಗಡೆ ಮಾಡಿದೆ.  9 ವರ್ಷಗಳ ಅನಂತರ ಕೃಷ್ಣನ್‌ ಜೈಲಿನಿಂದ ಸದ್ಯದಲ್ಲೇ ಹೊರಬರಲಿದ್ದಾರೆ. ಒಮ್ಮೆ ಯೂಸುಫ್ ಅಲಿಯನ್ನು ನೋಡಿ, ಕೇರಳಕ್ಕೆ ಬರುವುದು ಕೃಷ್ಣನ್‌ ಅವರ ಮುಂದಿನ ಗುರಿ.