Hardeep Singh Nijjar ಮಾಹಿತಿ ಸೋರಿಕೆ: ತಪ್ಪೊಪ್ಪಿಕೊಂಡ ಕೆನಡಾ

Team Udayavani, Oct 30, 2024, 11:28 PM IST

ಒಟ್ಟಾವ: ಖಲಿಸ್ತಾನ ಉಗ್ರ ಹರ್‌ದೀಪ್‌ ಸಿಂಗ್‌ ನಿಜ್ಜರ್‌ ಹತ್ಯೆಯಲ್ಲಿ ಭಾರತದ ಪಾತ್ರ ಇದೆ ಎಂಬ ಬಗ್ಗೆ ಅಮೆರಿಕದ ಪತ್ರಿಕೆ “ದ ವಾಷಿಂಗ್ಟನ್‌ ಪೋಸ್ಟ್‌’ ಪತ್ರಿಕೆಗೆ ಮಾಹಿತಿ ನೀಡಿದ್ದು ಹೌದು. ಈ ಬಗ್ಗೆ ಕೆನಡಾ ಸರ್ಕಾರದ ಇಬ್ಬರು ಅಧಿಕಾರಿಗಳು ತಪ್ಪೊಪ್ಪಿಕೊಂಡಿದ್ದಾರೆ. ಜತೆಗೆ ಪ್ರಧಾನಿ ಜಸ್ಟಿನ್‌ ಟ್ರೂಡೊಗೆ ಅನುಮತಿ ನೀಡುವುದಕ್ಕೆ ಮೊದಲೇ ಸುದ್ದಿ ನೀಡಲಾಗಿದೆ ಎಂದು ಹೇಳಿಕೊಂಡಿದ್ದಾರೆ.

ಅಲ್ಲಿನ ಉಪ ವಿದೇಶಾಂಗ ಸಚಿವ ಡೇವಿಡ್‌ ಮಾರಿಸನ್‌ ಸಂಸತ್‌ನ ಸಮಿತಿಯೊಂದಕ್ಕೆ ಮಾಹಿತಿ ನೀಡಿ ಪ್ರಧಾನಿ ಮೋದಿ ಸರ್ಕಾರದ ಹಿರಿಯ ಸಚಿವ ಅಮಿತ್‌ ಶಾ ಅವರೇ ದೇಶದಲ್ಲಿ “ಸಿಖ್‌ ಪ್ರತ್ಯೇಖತಾವಾದಿಗಳ ವಿರುದ್ಧ ಸಂಚು ರೂಪಿಸುವಲ್ಲಿ ಅಮಿತ್‌ ಶಾ ಕೈವಾಡವಿದೆ. ಅವರೇ ಹಿಂಸಾಚಾರ, ಗುಪ್ತಚರ ಮಾಹಿತಿ ಸಂಗ್ರಹ ಹಾಗೂ ಬೆದರಿಕೆಯ ಅಭಿಯಾನ ನಡೆಸುತ್ತಿದ್ದಾರೆ. ನಾನೇ ಪತ್ರಿ ಕೆಗೆ ಅವರ ಹೆಸರು ಹೇಳಿದ್ದೆ’ ಎಂದರು.

ಅಮಿತ್‌ ಶಾ ಕೈವಾಡವಿರುವ ಬಗ್ಗೆ ಕೆನಡಾಗೆ ಹೇಗೆ ಮಾಹಿತಿ ದೊರೆಯಿತೆಂಬ ಬಗ್ಗೆ ಮಾರಿಸನ್‌ ತಿಳಿಸಲಿಲ್ಲ. ಇದೇ ವೇಳೆ, ಪತ್ರಿಕೆಗೆ ಮಾಹಿತಿ ನೀಡಲು ಪ್ರಧಾನಿ ಟ್ರಾಡೊ ಅನುಮತಿಗೆ ಕಾಯ ಬೇಕಾಗಿಲ್ಲ. ಸೋರಿಕೆ ಮಾಡಿದ್ದು ಸಂವಹನ ತಂತ್ರದ ಭಾಗ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.