Canada; ಭಾರತ ಸೈಬರ್‌ ಬೆದರಿಕೆ ಪಟ್ಟಿಗೆ ಸೇರ್ಪಡೆ

Team Udayavani, Nov 4, 2024, 6:38 AM IST

ಹೊಸದಿಲ್ಲಿ: ಖಲಿಸ್ಥಾನಿ ಉಗ್ರ ಹದೀìಪ್‌ ಸಿಂಗ್‌ ನಿಜ್ಜರ್‌ ಹತ್ಯೆ ವಿಚಾರವಾಗಿ ಭಾರತದ ವಿರುದ್ಧ ಆರೋಪ ಹೊರಿಸಿದ್ದ ಕೆನಡಾ ಇದೀಗ ತನ್ನ ಸೈಬರ್‌ ಬೆದರಿಕೆ ಪಟ್ಟಿಗೆ ಮೊದಲ ಬಾರಿಗೆ ಭಾರತವನ್ನು ಸೇರಿಸಿದೆ.! ಭಾರತವು ಕೆನಡಾ ಮೇಲೆ ಸರ್ಕಾರಿ ಪ್ರಾಯೋಜಿತ ಹ್ಯಾಕಿಂಗ್‌ ಮತ್ತು ಸೈಬರ್‌ ಬೇಹುಗಾರಿಕೆಗೆ ಯತ್ನಿಸುತ್ತಿದೆ ಎಂದು ಆರೋಪ ಹೊರಿಸಿದೆ.

ನಿಜ್ಜರ್‌ ವಿಚಾರವಾಗಿ ಕೆನಡಾ ಮತ್ತು ಭಾರತದ ನಡುವೆ ಮೂಡಿರುವ ರಾಜತಾಂತ್ರಿಕ ಬಿಕ್ಕಟ್ಟು ಬಗೆಹರಿಯುವ ಮೊದಲೇ ಕೆನಡಾದ ಈ ನಡೆ ಉಭಯ ರಾಷ್ಟ್ರಗಳ ನಡುವೆ ಮತ್ತೂಂದು ಕಂದಕ ಮೂಡಿಸುವ ಸಾಧ್ಯತೆ ಇದೆ.

“ನ್ಯಾಶನಲ್‌ ಸೈಬರ್‌ ಥೆÅಟ್‌ ಅಸೆಸ್‌ಮೆಂಟ್‌ 2025-2026′ ವರದಿಯಲ್ಲಿ ಭಾರತದ ವಿರುದ್ಧ ಮೇಲ್ಕಂಡ ಆರೋಪವನ್ನು ಕೆನಡಾ ಸರಕಾರ ಮಾಡಿದೆ. ಕೆನಡಾದಲ್ಲಿರುವ ವ್ಯಕ್ತಿಗಳು ಮತ್ತು ಸಂಸ್ಥೆಗಳು ಎದುರಿಸುತ್ತಿರುವ ಸೈಬರ್‌ ಬೆದರಿಕೆಗಳ ಕುರಿತಾದ ಮಾಹಿತಿ ಇರುವ ಈ ವರದಿಯು ಯಾವ ರಾಷ್ಟ್ರಗಳು ಈ ಬೆದರಿಕೆಗಳನ್ನು ಪ್ರಾಯೋಜಿಸುತ್ತಿವೆ ಎನ್ನುವ ಪಟ್ಟಿಯನ್ನೂ ಒಳಗೊಂಡಿದೆ. ಇದರಲ್ಲಿ ಭಾರತಕ್ಕೆ 5ನೇ ಸ್ಥಾನ ನೀಡಲಾಗಿದೆ. ಉಳಿದಂತೆ ಮೊದಲ ಸ್ಥಾನದಲ್ಲಿ ಚೀನಾ, ನಂತರದಲ್ಲಿ ರಷ್ಯಾ, ಇರಾನ್‌ ಮತ್ತು ಉತ್ತರ ಕೊರಿಯಾದ ಹೆಸರುಗಳನ್ನು ಉಲ್ಲೇಖೀಸಲಾಗಿದೆ. ಈ ಹಿಂದೆ ಯಾವ ವರದಿಯಲ್ಲೂ ಭಾರತದ ಹೆಸರು ಇರಲಿಲ್ಲ.

ಇದು ಕೆನಡಾದ ಮತ್ತೂಂದು ಕುತಂತ್ರ: ಭಾರತ ವಾಗ್ಧಾಳಿ
ಭಾರತದ ಮೇಲಿನ ಕೆನಡಾದ ಆರೋಪವನ್ನು ಭಾರತ ತಿರಸ್ಕರಿಸಿದೆ. ಭಾರತದ ಕುರಿತು ಜಗತ್ತಿನ ರಾಷ್ಟ್ರಗಳು ಹೊಂದಿರುವ ಅಭಿಪ್ರಾಯವನ್ನು ಬದಲಿಸಿ, ಭಾರತದ ವರ್ಚಸ್ಸಿನ ಮೇಲೆ ದಾಳಿ ನಡೆಸಲು ಕೆನಡಾ ಈ ರೀತಿಯ ಹೊಸ ಕಾರ್ಯತಂತ್ರ ರೂಪಿಸಿದೆ ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ರಣದೀರ್‌ ಜೈಸ್ವಾಲ್‌ ಹೇಳಿದ್ದಾರೆ. ಜತೆಗೆ ಈ ಹಿಂದೆಯೂ ಭಾರತದ ಮೇಲೆ ಜಾಗತಿಕ ಅಭಿಪ್ರಾಯ ಬದಲಿಸಲು ಪ್ರಯತ್ನಿಸಿದ್ದಾಗಿ ಕೆನಡಾದ ಹಿರಿಯ ಅಧಿಕಾರಿಗಳೇ ಒಪ್ಪಿಕೊಂಡಿದ್ದರು. ಈಗಲೂ ಅಂಥದ್ದೇ ಪ್ರಯತ್ನ ಮಾಡಿದ್ದಾರೆ ಎಂದೂ ಹೇಳಿದ್ದಾರೆ. ಜತೆಗೆ ನೇರವಾಗಿ ಕೆನಡಾಗೆ ಚಾಟಿ ಬೀಸಿ, “ನೀವು ಮೊದಲಿಗೆ ನಮ್ಮ ವಿರುದ್ಧ ಆಧಾರರಹಿತ ಹೇಳಿಕೆ ನೀಡುತ್ತೀರಿ. ನಾವು ಅದನ್ನು ವಿರೋಧಿಸಿದಾಗ ನಮ್ಮ ವಿರುದ್ಧ ಇಂಥ ದೊಡ್ಡಮಟ್ಟದ ಆರೋಪ ಹೊರಿಸುತ್ತೀರಿ, ಇದು ಸರಿ ಅಲ್ಲ’ ಎಂದು ಜೈಸ್ವಾಲ್‌ ಹೇಳಿದ್ದಾರೆ.