ಗಾಲ್ವಾನ್ ಘರ್ಷಣೆಯಲ್ಲಿ ಚೀನಾದ 45 ಸೈನಿಕರು ಸಾವನ್ನಪ್ಪಿದ್ದರು: ರಷ್ಯಾ ನ್ಯೂಸ್ ಏಜೆನ್ಸಿ

Team Udayavani, Feb 11, 2021, 2:20 PM IST

ಬೀಜಿಂಗ್: ಪೂರ್ವ ಲಡಾಖ್ ನ ಗಾಲ್ವಾನ್ ಕಣಿವೆ ಪ್ರದೇಶದಲ್ಲಿ ಭಾರತೀಯ ಸೇನೆ ಮತ್ತು ಚೀನಾ ಸೇನೆ ನಡುವೆ ನಡೆದ ಘರ್ಷಣೆಯಲ್ಲಿ ಎಷ್ಟು ಸಾವು, ನೋವು ಸಂಭವಿಸಿತ್ತು ಎಂಬ ಬಗ್ಗೆ ಚೀನಾ ಈವರೆಗೂ ಯಾವುದೇ ಮಾಹಿತಿ ಹೊರಹಾಕಿಲ್ಲ. ಏತನ್ಮಧ್ಯೆ ಎರಡು ದೇಶಗಳ ಸೇನೆ ನಡುವೆ ನಡೆದ ಘರ್ಷಣೆಯಲ್ಲಿ ಚೀನಾದ 45 ಸೈನಿಕರು ಸಾವನ್ನಪ್ಪಿರುವುದಾಗಿ ರಷ್ಯಾ ನ್ಯೂಸ್ ಏಜೆನ್ಸಿ ಟಾಸ್( ಟಿಎಎಸ್ ಎಸ್) ತಿಳಿಸಿದೆ.

ಇದನ್ನೂ ಓದಿ:ಮಣಿಪಾಲ: ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ನಿಂದ ಮಾವಿನ ಮರಕ್ಕೆ ತಗಲಿದ ಬೆಂಕಿ

ಟಾಸ್ ವರದಿ ಪ್ರಕಾರ, ಭಾರತ ಮತ್ತು ಚೀನಾ ಗಡಿಯಲ್ಲಿನ ಸೇನೆ ವಾಪಸ್ ಪಡೆಯುವ ಪ್ರಕ್ರಿಯೆಯಲ್ಲಿ ಗಾಲ್ವಾನ್ ಕಣಿವೆ ಪ್ರದೇಶದಲ್ಲಿ 2020ರ ಮೇ ಮತ್ತು ಜೂನ್ ನಲ್ಲಿ ಘರ್ಷಣೆ ನಡೆದ ಪರಿಣಾಮ ಭಾರತದ 20 ಹಾಗೂ ಚೀನಾದ 45 ಯೋಧರು ಸಾವನ್ನಪ್ಪಿರುವುದಾಗಿ ಹೇಳಿದೆ.

ಘರ್ಷಣೆಯಲ್ಲಿ ಎರಡೂ ಸೇನೆಯಲ್ಲಿ ಸಾವು, ನೋವು ಸಂಭವಿಸಿದ ನಿಟ್ಟಿನಲ್ಲಿ ಭಾರತ ಮತ್ತು ಚೀನಾ ಗಡಿಪ್ರದೇಶದಲ್ಲಿ ತಮ್ಮ ಸೇನೆಯ ಯೋಧರ ಸಂಖ್ಯೆಯನ್ನು 50 ಸಾವಿರಕ್ಕೆ ಏರಿಸಿತ್ತು. ಈ ಹಿಂದಿನ ಒಪ್ಪಂದದಂತೆ ಪ್ಯಾಂಗಾಂಗ್ ಸರೋವರ ಪ್ರದೇಶದಿಂದ ಎರಡು ಬಲಾಢ್ಯ ದೇಶಗಳು ಗಡಿಯಿಂದ ತಮ್ಮ ಸೇನೆಯನ್ನು ವಾಪಸ್ ಪಡೆಯಲು ಆರಂಭಿಸಿದ ನಂತರ ಟಾಸ್ ಈ ಮಾಹಿತಿಯನ್ನು ಬಹಿರಂಗೊಳಿಸಿದೆ.