ವಿಮಾನದಲ್ಲಿ ಹೋದ ಚೀನೀ ದೇವತೆ

Team Udayavani, Jul 6, 2017, 3:45 AM IST

ಸಿಂಗಾಪುರ: ಕಡು ಬಣ್ಣದ ಬಟ್ಟೆ ತೊಟ್ಟ ಚೀನೀ ದೇವತೆ. ವಿಮಾನದ ಐಷಾರಾಮಿ ಬ್ಯುಸಿನೆಸ್‌ ಕ್ಲಾಸಲ್ಲಿ ಪ್ರಯಾಣ. ಅರೆ ಇದೇ ನಿದು, ದೇವತೆಯರೆಲ್ಲ ವಿಮಾನ ಯಾನ ಮಾಡುತ್ತಾರಾ ಅಂತ ಸಂಶಯಿಸದಿರಿ. 

ಇದು ನಿಜಕ್ಕೂ ನಡೆದಿದೆ. ಚೀನಾ ಕ್ಸಿಯಾಮೆನ್‌ನಿಂದ  ಮಲೇಷ್ಯಾದ ಕೌಲಾಲಾಂ ಪುರಕ್ಕೆ ಚೀನಾದ ಸಮುದ್ರ ದೇವತೆ “ಮಾಝು’ ಸೀಟಲ್ಲಿ ಕೂತು ಪ್ರಯಾಣಿಸಿ ದ್ದಾಳೆ. ಅಂದಹಾಗೆ ಇದು ದೇವತೆಯ ಮೂರ್ತಿ. 6 ಅಡಿ ಉದ್ದದ, ಚಿತ್ತಾರದ ಬಟ್ಟೆ ತೊಟ್ಟ ದೇವತೆಯನ್ನು  ಬೆಲ್ಟ್ ಹಾಕಿ ನಿಲ್ಲಿಸಲಾಗಿತ್ತು. ಮಾಝು ದೇವತೆಯೊಂದಿಗೆ 130 ಮಂದಿ ಭಕ್ತರೂ ಪ್ರಯಾಣಿಸಿದ್ದಾರೆ. ದ್ವೀಪ ಪ್ರದೇಶ ಫ‌ುÂಜಿಯನ್‌ ಪ್ರಾಂತ್ಯದಲ್ಲಿ ಈ ದೇವತೆಯ ಮೂಲವಿದೆ ಎಂದು ಹೇಳ ಲಾಗಿದ್ದು, ಚೀನೀ ಮೂಲದವರು ಸಾಕಷ್ಟು ಸಂಖ್ಯೆಯಲ್ಲಿರುವ ಕಾರಣಕ್ಕೂ, ಅಲ್ಲಿನ ಪೂಜಾ ಕಾರ್ಯಕ್ರಮಕ್ಕೆ, ದೇವತೆಯನ್ನು ಸಾಗಿಸಲಾಗಿದೆ. ಇದಕ್ಕಾಗಿ 20 ಸಾವಿರ ರೂ.ಗಳ ಟಿಕೆಟ್‌ ಮಾಡಲಾಗಿದ್ದು, ವಿಮಾನ ಪ್ರಯಾಣ ಬಳಿಕ ಭಕ್ತರು ಸೂಕ್ತವಾಗಿ ಕಾಲನ್ನು ಜೋಡಿಸಿ ಸಾಗಿಸಿದ್ದಾರೆ. ಸದ್ಯ ಚೀನೀ ದೇವತೆಯ ಈ ವಿಮಾನ ಪ್ರಯಾಣದ ಫೋಟೋ ಅಂತರ್ಜಾಲದಲ್ಲಿ ವೈರಲ್‌ ಆಗಿದೆ.