ಸೂರ್ಯನ ಮೇಲ್ಮೈ ಮೇಲೆ ಅಸಂಖ್ಯಾತ ‘ಕ್ಯಾಂಪ್‌ಫೈರ್‌’

Team Udayavani, Jul 17, 2020, 7:05 AM IST

ಸೌರ ಆರ್ಬಿಟರ್‌, ಸೂರ್ಯನಿಂದ ಅತಿ ಹತ್ತಿರದ ಚಿತ್ರಗಳನ್ನು ತೆಗೆದಿದೆ.

ಕೇಪ್‌ ಕೆನವೆರಲ್‌: ಯುರೋಪಿಯನ್‌ ಮತ್ತು ನಾಸಾ ಬಾಹ್ಯಾಕಾಶ ನೌಕೆಗಳು ಜಂಟಿಯಾಗಿ ಕಳೆದ ಫೆಬ್ರವರಿಯಲ್ಲಿ ಉಡಾವಣೆಗೊಳಿಸಿದ್ದ ಸೌರ ಆರ್ಬಿಟರ್‌, ಸೂರ್ಯನಿಂದ ಅತಿ ಹತ್ತಿರದ ಚಿತ್ರಗಳನ್ನು ತೆಗೆದಿದೆ.

ಅಸಂಖ್ಯಾತ ‘ಕ್ಯಾಂಪ್‌ಫೈರ್‌’ಗಳು (ಬೆಂಕಿಯ ಜ್ವಾಲೆ) ಚಿತ್ರದಲ್ಲಿ ಮೂಡಿಬಂದಿವೆ.

ಇದೇ ಮೊದಲ ಬಾರಿಗೆ ಇಷ್ಟು ಹತ್ತಿರದಿಂದ ಸೂರ್ಯನ ಚಿತ್ರಗಳನ್ನು ತೆಗೆಯಲಾಗಿದೆ.

ಈ ಉಪಗ್ರಹ ತೆಗೆದ ಚಿತ್ರಗಳನ್ನು ವಿಜ್ಞಾನಿಗಳು ಗುರುವಾರ ಬಿಡುಗಡೆಗೊಳಿಸಿದ್ದಾರೆ. ಈ ಉಪಗ್ರಹ ಸೂರ್ಯನಿಂದ ಸುಮಾರು 77 ಮಿಲಿಯನ್‌ ಕಿ.ಮೀ. ದೂರದಲ್ಲಿದ್ದಾಗ ಹಾಗೂ ಭೂಮಿ ಮತ್ತು ಸೂರ್ಯನ ಮಧ್ಯದಲ್ಲಿದ್ದಾಗ ತೆಗೆದ ಚಿತ್ರಗಳಿವು.

ಇದು ತೆಗೆದಿರುವ ಹೈರೆಸಲ್ಯೂಷನ್‌ ಚಿತ್ರಗಳು ನಿರೀಕ್ಷೆಗಿಂತ ಉತ್ತಮವಾಗಿ ಮೂಡಿ ಬಂದಿದೆ.

ಸೌರ ಆರ್ಬಿಟರ್‌, ಪ್ರಸ್ತುತ ಸೂರ್ಯನ ಸುತ್ತ ಕಕ್ಷೆಯಲ್ಲಿರುವ ಪಾರ್ಕರ್‌ ಸೌರ ತನಿಖೆಗೆ ಪೂರಕವಾಗಿ ಕೆಲಸ ಮಾಡಲಿದೆ.

ಇದು ಮುಂದಿನ 2 ವರ್ಷಗಳಲ್ಲಿ ಸೂರ್ಯನಿಗೆ ಇನ್ನಷ್ಟು ಹತ್ತಿರವಾಗಲಿದೆ. ಸೌರ ಮೇಲ್ಮೈಯನ್ನು ಚಿತ್ರಿಸಲು ಮತ್ತು ಅದರ ಸುತ್ತಮುತ್ತಲಿನ ನಕ್ಷತ್ರದ ಗುಣಲಕ್ಷಣಗಳನ್ನು ಅಳೆಯಲು ಕಳೆದ ಫೆಬ್ರವರಿಯಲ್ಲಿ ಇದನ್ನು ಉಡಾವಣೆ ಮಾಡಲಾಗಿತ್ತು.