ಶತಾಯುಷಿ ಅಜ್ಜಿಯ ಪಿಯಾನೊ ನುಡಿಸಾಣಿಕೆಗೆ ಶತಮಾನ

Team Udayavani, Apr 3, 2023, 7:40 AM IST

ಸುಮಾರು ಒಂದು ಶತಮಾನದಿಂದ ಪಿಯಾನೊ ನುಡಿಸುತ್ತಿರುವ ಫ್ರ್ಯಾನ್ಸ್‌ನ ಶತಾಯುಷಿ ಅಜ್ಜಿಗೆ ಸಾಮಾಜಿಕ ಜಾಲಣತಾಣದಲ್ಲಿ ಈಗಲೂ ದೊಡ್ಡ ಫ್ಯಾನ್‌ ಫಾಲೊಯಿಂಗ್‌ ಇದೆ.

1914ರ ಜೂನ್‌ನಲ್ಲಿ ಜನಿಸಿದ ಕೊಲೆಟ್‌ ಮೇಜ್‌, ಚಿಕ್ಕ ವಯಸ್ಸಿನವರಿದ್ದಾಗಲೇ ಪಿಯಾನೊ ಕಲಿಯಲು ಆರಂಭಿಸಿದರು. ಆದರೆ ಅವರು ಹೆಚ್ಚು ಜನಪ್ರಿಯವಾಗಿದ್ದು, ಅವರಿಗೆ 100 ವರ್ಷಗಳು ಪೂರೈಸಿದ ನಂತರ. ಈಗಲು ಚಿರ ಯೌವ್ವನೆಯಂತೆ ಒಂದಾದ ನಂತರ ಒಂದರಂತೆ ಮನೆಯಲ್ಲಿರುವ ಮೂರು ಪಿಯಾನೊಗಳನ್ನು ನುಡಿಸುವ ಮೇಜ್‌, ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ವಿಡಿಯೋಗಳನ್ನು ಅಪ್‌ಲೋಡ್‌ ಮಾಡುತ್ತಾರೆ.

ಸುಮಾರು 100 ವರ್ಷಗಳು ಪಿಯಾನೊ ಶಿಕ್ಷಕಿಯಾಗಿ ಕೆಲಸ ಮಾಡಿರುವ ಇವರು, ಕೆಲವು ಅಲ್ಬಮ್‌ಗಳನ್ನು ಹೊರತಂದಿದ್ದಾರೆ. ಈಗಲೂ ಪ್ರತಿದಿನ ಸತತ 4 ಗಂಟೆ ಪಿಯಾನೊ ಅಭ್ಯಾಸ ಮಾಡುತ್ತಾರೆ.