ಲಂಕಾದಲ್ಲಿ ಕೋಮು ಗಲಭೆ

Team Udayavani, May 7, 2019, 6:29 AM IST

ಕೊಲೊಂಬೊ: ಈಸ್ಟರ್‌ ಸರಣಿ ಸ್ಫೋಟಗಳ ಅನಂತರ ಕೊಲೊಂಬೋದಲ್ಲೀಗ ಮತೀಯ ಗಲಭೆ ಭುಗಿಲೆದ್ದಿವೆ. ನೆಗೆಂಬೋ ದಲ್ಲಿ ಕ್ರೈಸ್ತರ ಉದ್ರಿಕ್ತ ಗುಂಪೊಂದು ಮುಸ್ಲಿಮರ ಅಂಗಡಿಗಳ ಮೇಲೆ ದಾಳಿ ನಡೆಸಿದೆ. ಘಟನೆಯಲ್ಲಿ ಮೂವರು ಗಾಯಗೊಂಡಿದ್ದು ಅಪಾರ ಆಸ್ತಿಪಾಸ್ತಿ ನಷ್ಟವಾಗಿದೆ. ಈ ಹಿನ್ನೆಲೆ ಯಲ್ಲಿ ಇಲ್ಲಿ ಕರ್ಫ್ಯೂ ಜಾರಿಗೊಳಿಸಿ, ಬಳಿಕ ವಾಪಸ್‌ ಪಡೆಯಲಾ ಗಿದೆ. ಮದ್ಯ ನಿಷೇಧಿಸಲಾಗಿದ್ದು, ಸಾಮಾಜಿಕ ಜಾಲತಾಣಗಳನ್ನು ತಟಸ್ಥಗೊಳಿಸ ಲಾಗಿದೆ. ಈ ನಡುವೆ, ಕ್ರೈಸ್ತ ಸಮುದಾಯ ಶಾಂತಿ ಯಿಂದ ಇರಬೇಕೆಂದು ಕ್ರೈಸ್ತ ಧರ್ಮಾಧಿಕಾರಿಗಳು ಮನವಿ ಮಾಡಿದ್ದಾರೆ.

ಕ್ಯಾಂಪ್‌ ಪತ್ತೆ: ಈಸ್ಪರ್‌ ಸ್ಫೋಟಗಳ ತನಿಖೆ ನಡೆಸುತ್ತಿರುವ ಅಧಿಕಾರಿಗಳು ಬ್ಲಾಕ್‌ಪೂಲ್ ಎಂಬಲ್ಲಿ ನಿಗೂಢವಾಗಿದ್ದ ತರಬೇತಿ ಕ್ಯಾಂಪ್‌ ಪತ್ತೆ ಮಾಡಿದ್ದಾರೆ. 2 ಅಂತಸ್ತಿನ ಈ ಕಟ್ಟಡದಲ್ಲಿ ಇರುವ ಸೌಲಭ್ಯಗಳು ಉಗ್ರರಿಗೆ ತರಬೇತಿ ನೀಡುವ ಕ್ಯಾಂಪ್‌ಗ್ಳನ್ನು ಹೋಲುತ್ತಿದ್ದು, ಇದೇ ಸ್ಥಳದಲ್ಲಿ 9 ಬಾಂಬರ್‌ಗಳು ಸ್ಫೋಟಗಳಿಗೂ ಮುನ್ನ ತರಬೇತಿ ಪಡೆದಿರಬಹುದೆಂದು ಅಂದಾಜಿಸಿದ್ದಾರೆ.