ಕೋವಿಡ್ 19 : ಸತ್ತವರಲ್ಲಿ ಶೇ.95ರಷ್ಟು ಮಂದಿ ವೃದ್ಧರು

Team Udayavani, Apr 3, 2020, 12:45 PM IST

ಜಿನಿವಾ: ಯುರೋಪ್‌ ಪ್ರಾಂತ್ಯದಲ್ಲಿ ಕೋವಿಡ್ 19 ಸೋಂಕಿಗೆ ಬಲಿಯಾದವರ ಪೈಕಿ ಶೇ.95ರಷ್ಟು ಜನ 60 ವರ್ಷಕ್ಕಿಂತ ಮೇಲ್ಪಟ್ಟವರು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಸದ್ಯ ಸೋಂಕಿಗೆ ಬಲಿಯಾಗಿರುವವರ ಮತ್ತು ಪೀಡಿತರ ಮಾಹಿತಿ ಮತ್ತು ಅಂಕಿ-ಅಂಶಗಳನ್ನು ವಿಶ್ವ ಆರೋಗ್ಯ ಸಂಸ್ಥೆ ಹಂಚಿಕೊಂಡಿದ್ದು, ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದೆ.

ಕೋವಿಡ್ 19 ವೈರಸ್‌ನಿಂದ ಸಾವನ್ನಪ್ಪಿದ ಶೇ.95ರಷ್ಟು ಹೆಚ್ಚು 60 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದಾರೂ, ಕೋವಿಡ್ 19 ವಯಸ್ಸು ನೋಡಿ ಬರುವುದಿಲ್ಲ .

ಕೇವಲ ಹಿರಿಯರು ಮಾತ್ರ ಕೋವಿಡ್ 19 ದಿಂದ ಸಾವಿಗೆ ತುತ್ತಾಗುತ್ತಾರೆ ಎಂಬ ಕಲ್ಪನೆ ವಾಸ್ತವಿಕದಿಂದ ದೂರವಿದೆ ಎಂದು ಡಾ| ಹ್ಯಾ®Õ… ಕ್ಲುಗೆ ತಿಳಿಸಿದ್ದಾರೆ.ಇನ್ನು 50 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಲ್ಲಿ ಶೇ.10 ರಿಂದ ಶೇ.15 ರಷ್ಟು ಜನರು ತೀವ್ರವಾದ ಸೋಂಕನ್ನು ಹೊಂದಿದ್ದಾರೆ ಎಂದು ಯು.ಎನ್‌. ಆರೋಗ್ಯ ಸಂಸ್ಥೆ ಹೇಳಿದ್ದು, 20ರ ಹರೆಯದ ಯುವಕರಲ್ಲಿ ಈ ರೋಗದ ತೀವ್ರತೆ ಅಧಿಕ ಮಟ್ಟದಲ್ಲಿರುತ್ತದೆ. ಹಾಗಾಗಿ ಈ ವಯೋಮಾನದವರು ಹೆಚ್ಚಿನ ಆರೈಕೆಯನ್ನು ತೆಗೆದು ಕೊಳ್ಳ ಬೇಕಾಗುತ್ತದೆ ಎಂದು ಹೇಳಿದ್ದಾರೆ. ಇದೇ ಸಂದರ್ಭದಲ್ಲಿ ವೃದ್ಧರಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವುದರಿಂದ ಈ ಸೋಂಕು ತಗುಲುವ ಸಾಧ್ಯತೆಯ ಜತೆಗೆ ಚಿಕಿತ್ಸೆಗೆ ಪ್ರತಿಕ್ರಿಯಿಸುವ ವೇಗ ಕಡಿಮೆ ಇರಬಹುದೆಂದು ಹೇಳಲಾಗುತ್ತಿದೆ.