ಕಾಗೆಯಿಂದಲೇ ಸ್ವಚ್ಛತಾ ಕಾರ್ಯಕ್ರಮ! : ಸ್ವೀಡನ್‌ನಲ್ಲಿ ಹೊಸ ಪ್ರಯೋಗ

Team Udayavani, Feb 3, 2022, 10:30 PM IST

ಸ್ಟಾಕ್‌ಹೋಮ್‌: ಮಣ್ಣಿನಲ್ಲಿ ಸುಲಭವಾಗಿ ಕರಗದ ಸಿಗರೇಟ್‌ ಬಟ್‌ ತ್ಯಾಜ್ಯದ ಬಹುದೊಡ್ಡ ಮೂಲ. ಅದರಲ್ಲೂ ರಸ್ತೆಗಳಲ್ಲೆಲ್ಲ ಬೀಳುವ ಈ ಬಟ್‌ ನಿಜಕ್ಕೂ ದೊಡ್ಡ ಸಮಸ್ಯೆಯೇ. ಅದನ್ನರಿತ ಸ್ವಿಡನ್‌ನ ಕೋರ್ವಿಡ್‌ ಕ್ಲೀನಿಂಗ್‌ ಹೆಸರಿನ ಸಂಸ್ಥೆ, ಹೊಸದೊಂದು ಉಪಾಯ ಮಾಡಿದೆ. ಈ ಬಟ್‌ಗಳನ್ನು ಒಂದೆಡೆ ಸಂಗ್ರಹಿಸಲು ಕಾಗೆಗಳಿಗೇ ತರಬೇತಿ ಕೊಟ್ಟಿದೆ!

ಕಾಗೆಗಳು ಮನುಷ್ಯರಂತೆ ಅತ್ಯಂತ ಜಾಣ ಪಕ್ಷಿ. ಆ ಹಿನ್ನೆಲೆಯಲ್ಲಿ ಯೋಜನೆಗೆ  ಕಾಗೆಯನ್ನೇ ಆಯ್ಕೆ ಮಾಡಿಕೊಳ್ಳಲಾಗಿದೆ. ಅವುಗಳಿಗೆ ಬಟ್‌ ಮತ್ತು ಬೇರೆ ತ್ಯಾಜ್ಯವನ್ನು ಪ್ರತ್ಯೇಕಿಸಲು, ಸಂಗ್ರಹಿಸಲು ಮತ್ತು ಅದನ್ನು ಸಂಸ್ಥೆ ತಯಾರಿಸಿರುವ ವಿಶೇಷ ಯಂತ್ರದೊಳಗೆ ಹಾಕಲು ತಿಂಗಳುಗಳ ಕಾಲ ತರಬೇತಿ ಕೊಡಲಾಗಿದೆ. ಕಾಗೆ ಯಂತ್ರದೊಳಗೆ ಬಟ್‌ ಹಾಕಿದ ತಕ್ಷಣ ಅದೇ ಯಂತ್ರದಿಂದ ಒಂದಿಷ್ಟು ಆಹಾರ ಬಂದು ಬೀಳುತ್ತದೆ.

ಸ್ವಿಡನ್‌ನಲ್ಲಿ ಪ್ರತಿ ಸಿಗರೇಟ್‌ ಬಟ್‌ಗಳನ್ನು ಸಂಗ್ರಹಿಸಲು ಸರಿಸುಮಾರು 16 ರೂ. ಖರ್ಚಾಗುತ್ತದೆಯಂತೆ. ಆದರೆ ಈ ರೀತಿ ಕಾಗೆಗಳನ್ನು ಬಳಸಿ ಬಟ್‌ ಸಂಗ್ರಹಿಸುವುದರಿಂದ ಆ ಖರ್ಚು ಹತ್ತು ಪಟ್ಟು ಕಡಿಮೆಯಾಗುತ್ತದೆ ಎನ್ನುತ್ತಾರೆ ಕೋರ್ವಿಡ್‌ ಕ್ಲೀನಿಂಗ್‌ ಸಂಸ್ಥಾಪಕ ಗುಂಥರ್‌ ಹನ್ಸಿàನ್‌.