ಭೂಮಿ ಮೇಲೆ ಗರಿಷ್ಠ ತಾಪಮಾನ ದಾಖಲು

Team Udayavani, Aug 18, 2020, 11:22 PM IST

ನ್ಯೂಯಾರ್ಕ್‌: ಅಮೆರಿಕದ ಜಗತ್ಪ್ರಸಿದ್ಧ ಮರುಭೂಮಿ ಕಣಿವೆ ಡೆತ್‌ ವ್ಯಾಲಿಯಲ್ಲಿ ಭೂಮಿ ಮೇಲಿನ ಅತ್ಯಂತ ಗರಿಷ್ಠ ತಾಪಮಾನ ದಾಖಲಾಗಿದೆ. ರವಿವಾರ ಮಧ್ಯಾಹ್ನ 54 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ಡೆತ್‌ ವ್ಯಾಲಿಯ ಉಷ್ಣಾಂಶ 1931ರಲ್ಲಿ ಭೂಮಿ ಮೇಲೆ ದಾಖಲಾದ ಗರಿಷ್ಠ ತಾಪಮಾನಕ್ಕಿಂತ ಅತಿಹೆಚ್ಚು ಎಂದೇ ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ. 1931ರಲ್ಲಿ ಟ್ಯುನೇಷ್ಯಾದ ಕೆಬಿಲಿಯಲ್ಲಿ 55 ಡಿಗ್ರಿ ಸೆಲ್ಸಿಯಸ್‌ ಗರಿಷ್ಠ ಉಷ್ಣಾಂಶ ದಾಖಲಾಗಿತ್ತು. ಪ್ರಸ್ತುತ ಭೂಮಿಯ ಪಶ್ಚಿಮ ಭಾಗದಲ್ಲಿ ಉಷ್ಣಹವೆ ಹೆಚ್ಚಾದ ಕಾರಣ ಡೆತ್‌ ವ್ಯಾಲಿಯಲ್ಲಿ ಆಗಸ್ಟ್ನ‌ಲ್ಲಿ ತಾಪಮಾನ ಗರಿಷ್ಠ ಪ್ರಮಾಣಕ್ಕೆ ಏರುತ್ತಿದೆ ಎಂದು ಯುಎಸ್‌ ರಾಷ್ಟ್ರೀಯ ಹವಾಮಾನ ಇಲಾಖೆ ತಿಳಿಸಿದೆ.

ಡೆತ್‌ ವ್ಯಾಲಿ ಅಮೆರಿಕ ಅತ್ಯಂತ ಒಣ ಪ್ರದೇಶ. ಇಲ್ಲಿರುವ ಮೊಜೇವ್‌ ಮರು ಭೂಮಿ ರಣಭೀಕರ ಹವಾಮಾನ ದಿಂದಲೇ ಕುಖ್ಯಾತಿ ಹೊಂದಿದೆ. ಇಲ್ಲಿ ಪ್ರತಿ ಬೇಸಗೆ ಋತುವಿನಲ್ಲಿ ಕನಿಷ್ಠ 21 ದಿನಗಳು ಸರಾ ಸರಿ 48 ಡಿಗ್ರಿ ಸೆಲ್ಸಿಯಸ್‌ ಉಷ್ಣಾಂಶ ದಾಖಲಾಗಿರುತ್ತದೆ.