ಹ್ಯಾಂಡ್ ಗನ್ ನಲ್ಲಿ ಮಹಿಳೆಗೆ ಶೂಟ್ ಮಾಡಿದ 7 ತಿಂಗಳ ಸಾಕು ನಾಯಿ

Team Udayavani, Oct 9, 2019, 12:27 PM IST

ಒಕ್ಲಾಹೋಮ: 7 ತಿಂಗಳ ಸಾಕು ನಾಯಿಯೊಂದು ತನ್ನ ಒಡತಿಗೆ ಶೂಟ್ ಮಾಡಿದ ಅಪರೂಪದ ಘಟನೆ ಅಮೇರಿಕಾದ ಒಕ್ಲಾಹೋಮ ನಗರದಲ್ಲಿ ಇತ್ತೀಚೆಗೆ ನಡೆದಿದೆ. ಗುಂಡೇಟು ತಿಂದ ಮಹಿಳೆ ಆಸ್ಪತ್ರಗೆ ದಾಖಲಾಗಿದ್ದಾರೆ.

ಒಕ್ಲಾಹೋಮ ನಗರದ ನಿವಾಸಿ ಟೀನಾ ತನ್ನ ಡ್ರೈವರ್ ನೊಂದಿಗೆ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು. ಅವರ ಸಾಕು ನಾಯಿ ‘ಮೊಲಿ’ ಹಿಂದಿನ ಸೀಟಿನಲ್ಲಿ ಕುಳಿತಿತ್ತು. ಆ ವೇಳೆಯಲ್ಲಿ ದಾರಿ ಮಧ್ಯೆ ರೈಲ್ವೇ ಕ್ರಾಸಿಂಗ್ ಇದ್ದ ಕಾರಣ ಕಾರನ್ನು ನಿಲ್ಲಿಸಿದ್ದರು.  ಎದುರಿನ ಸೀಟಿನ ನಡುವೆ ಗುಂಡು ತುಂಬಿದ್ದ 0.22 ಕ್ಯಾಲಿಬರ್ ಹ್ಯಾಂಡ್ ಗನ್ ಇಡಲಾಗಿತ್ತು.

ರೈಲಿನ ಸದ್ದನ್ನು ಕೇಳಿದ ‘ಮೊಲಿ’ ಗಾಬರಿಗೊಂಡು ಎದುರಿನ ಒಡತಿ ಇದ್ದ ಎದುರಿನ ಸೀಟಿಗೆ ಹಾರಿದೆ. ಆಗ ‘ಮೊಲಿ’ ಕಾಲು ತಾಗಿ ಹ್ಯಾಂಡ್ ಗನ್ ನಿಂದ ಗುಂಡು ಸಿಡಿದಿದ್ದು, ಅದು ಟೀನಾ ಅವರ ಎಡತೊಡೆಯನ್ನು ಸೀಳಿದೆ. ಅವರಿಗೆ ತೀವ್ರ ರಕ್ತಸ್ರಾವವಾಗಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.