ಟ್ರಂಪ್‌ ಆದೇಶಕ್ಕೆ ತಡೆ

Team Udayavani, Nov 21, 2018, 11:33 AM IST

ವಾಷಿಂಗ್ಟನ್‌: ಅಕ್ರಮವಾಗಿ ಪ್ರವೇಶಿಸುವ ನಿರಾಶ್ರಿತರಿಗೆ ಅಮೆರಿಕದಲ್ಲಿ ಆಶ್ರಯ ನೀಡಲು ಸಾಧ್ಯವಿಲ್ಲ ಎಂದು
ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ನೀಡಿದ್ದ ಆದೇಶಕ್ಕೆ ಸ್ಯಾನ್‌ಫ್ರಾನ್ಸಿಸ್ಕೋದ ಜಿಲ್ಲಾ ನ್ಯಾಯಾಧೀಶ ಜೋನ್‌ ಟಿಗರ್‌ ತಡೆಯಾಜ್ಞೆ ನೀಡಿದ್ದಾರೆ. ಇದೇ ತಿಂಗಳ ಆರಂಭದಲ್ಲಿ ಟ್ರಂಪ್‌ ಅವರು, ಅಮೆರಿಕದ ಅಧಿಕೃತ ಚೆಕ್‌ ಪೋಸ್ಟ್‌ಗಳ ಮೂಲಕ ನಿರ್ದಿಷ್ಟ ಕಾರಣಕ್ಕಾಗಿ ಆಗಮಿಸುವವರಿಗೆ ಪ್ರವೇಶವಿದೆ. ಆದರೆ, ಅಕ್ರಮವಾಗಿ ಅಮೆರಿಕದೊಳಗೆ ಬರುವ ನಿರಾಶ್ರಿತರು ಅಂಥ ಕಾರ್ಯಗಳಿಗೆ ಮುಂದಾಗುವುದನ್ನು ಬಿಟ್ಟು ಆಶ್ರಯಕ್ಕಾಗಿ ಮನವಿ
ಸಲ್ಲಿಸಬೇಕು ಎಂದು ಆದೇಶಿಸಿದ್ದರು. ಈಗ ನ್ಯಾಯಾಧೀಶ ಜೋನ್‌, ಟ್ರಂಪ್‌ ಆದೇಶಕ್ಕೆ ತಾತ್ಕಾಲಿಕ ತಡೆಯಾಜ್ಞೆ
ನೀಡಿದ್ದಾರೆ. ಅಧ್ಯಕ್ಷರ ಅಧಿಕಾರ ಏನೇ ಇರಬಹುದು. ಆದರೆ ಅವರಿಗೆ ವಲಸೆ ಕಾನೂನನ್ನು ಹೊಸದಾಗಿ ಬರೆಯಲು ಅವಕಾಶವಿಲ್ಲ ಎಂದು ಹೇಳಿದ್ದಾರೆ.