ಫೋಟೋ ಪೋಸ್ಟ್‌ ಮಾಡಿ ಸಿಕ್ಕಿಹಾಕಿಕೊಂಡರೇ ಟ್ರಂಪ್‌ ?

Team Udayavani, Sep 1, 2019, 5:04 AM IST

ವಾಷಿಂಗ್ಟನ್‌: ಇರಾನ್‌ನಲ್ಲಿ ಇತ್ತೀಚೆಗೆ ಕ್ಷಿಪಣಿ ಪ್ರಯೋಗವೊಂದು ವಿಫ‌ಲವಾಗಿದ್ದು, ಧ್ವಂಸಗೊಂಡಿರುವ ಸ್ಥಳದ ಉಪಗ್ರಹ ಚಿತ್ರಗಳನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ತಮ್ಮ ಟ್ವೀಟರ್‌ ಖಾತೆಯಲ್ಲಿ ಪ್ರಕಟಿಸಿರುವುದು, ಅಮೆರಿಕದ ಗೂಢಚರ್ಯೆ ವಿಭಾಗವನ್ನು ಇಕ್ಕಟ್ಟಿನಲ್ಲಿ ಸಿಲುಕಿಸಿದಂತಾಗಿದೆ.

ಚಿತ್ರದ ಬಗ್ಗೆ ವಿಶ್ಲೇಷಣೆ ಮಾಡಿರುವ ಮಾಂಟೆರಿಯಲ್ಲಿರುವ “ಮಿಡಲ್‌ಬರಿ ಇನ್‌ಸ್ಟಿಟ್ಯೂಟ್‌ ಆಫ್ ಇಂಟರ್‌ನ್ಯಾಷನಲ್‌ ಸ್ಟಡೀಸ್‌’ ಕೇಂದ್ರದ ತಜ್ಞ ಜೆಫ್ರಿ ಲೂಯಿಸ್‌, “”ಟ್ರಂಪ್‌ ಪ್ರಕಟಿಸಿರುವ ಚಿತ್ರ ಉಪಗ್ರಹದಿಂದ ಪಡೆದದ್ದಲ್ಲ. ಕ್ಷಿಪಣಿ ಉಡಾವಣ ಸ್ಥಳದಿಂದ ನೂರಾರು ಅಡಿಗಷ್ಟೇ ಎತ್ತರದಲ್ಲಿ ತೆಗೆದಿರುವ ಚಿತ್ರವದು. ಫೋಟೋದಲ್ಲಿ, ಧ್ವಂಸಗೊಂಡಿರುವ ವಸ್ತುಗಳನ್ನು ಗುರುತು ಹಾಕಿರುವುದನ್ನು ನೋಡಿದರೆ ಅವು ಗುಪ್ತಚರ ಇಲಾಖೆಯ ಕೆಲಸ ಎನಿಸುತ್ತದೆ. ಒಟ್ಟಾರೆಯಾಗಿ, ಈ ಫೋಟೋ ಇರಾನ್‌ ಮೇಲೆ ಅಮೆರಿಕ ಗೂಢಚರ್ಯೆ ನಡೆಸುತ್ತಿರುವುದಕ್ಕೆ ಸಾಕ್ಷಿ ಒದಗಿಸಿದಂತಿದೆ” ಎಂದು ತಿಳಿಸಿದ್ದಾರೆ.