Pakistan: ದುಷ್ಕರ್ಮಿಗಳಿಂದ ಗುಂಡಿನ ದಾಳಿ: ಪರೀಕ್ಷೆ ಸಿದ್ಧತೆಯಲ್ಲಿದ್ದ 7 ಶಿಕ್ಷಕರ ಹತ್ಯೆ

Team Udayavani, May 4, 2023, 9:26 PM IST

ಇಸ್ಲಾಮಾಬಾದ್‌: ಶಾಲೆಯೊಂದರ ಮೇಲೆ ಮುಸುಕುಧಾರಿ ದುಷ್ಕರ್ಮಿಗಳ ಗುಂಪೊಂದು ಗುಂಡಿನ ದಾಳಿ ನಡೆಸಿ ಏಳು ಮಂದಿ ಶಿಕ್ಷಕರನ್ನು ಹತ್ಯೆ ಮಾಡಿದ ಘಟನೆ ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಶಾಲೆಯೊಂದರಲ್ಲಿ ನಡೆದಿದೆ.

ಇಲ್ಲಿನ ಕರಾಮ್‌ ಜಿಲ್ಲೆಯ ಸರ್ಕಾರಿ ಪ್ರೌಢಶಾಲೆಗೆ ಮುಸುಕುಧಾರಿ ವ್ಯಕ್ತಿಯೊಬ್ಬ ಏಕಾಏಕಿ ನುಗ್ಗಿ, ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದಾನೆ. ಈ ವೇಳೆ ಶಾಲೆಯಲ್ಲಿ ಶಿಕ್ಷಕರು ಪರೀಕ್ಷೆ ಸಿದ್ಧತೆಗಳನ್ನು ನಡೆಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಇದೇ ರೀತಿ ಮತ್ತೂಂದು ಘಟನೆಯಲ್ಲಿ ಶಿಕ್ಷಕರೊಬ್ಬರನ್ನು ಉದ್ದೇಶಪೂರ್ವಕವಾಗಿ ವಾಹನದಲ್ಲಿ ಡಿಕ್ಕಿ ಹೊಡೆದು ಹತ್ಯೆಗೈದಿರುವುದು ವರದಿಯಾಗಿದೆ. ಮೃತರಾಗಿರುವ ಎಲ್ಲ ಶಿಕ್ಷಕರು ಮುಸ್ಲಿಂ ಶಿಯಾ ಸಮುದಾಯಕ್ಕೆ ಸೇರಿದವರೆಂಬ ಮಾತು ಕೇಳಿಬಂದಿದ್ದು, ಶಿಯಾ ಮುಸ್ಲಿಮರನ್ನು ಆಗಾಗ ಗುರಿಯಾಗಿಸುತ್ತಿರುವ ಘಟನೆಯ ಭಾಗವಾಗಿ ಈ ದಾಳಿ ನಡೆದಿರಬಹುದೆಂಬ ಗುಮಾನಿಯೂ ಇದೆ ಎನ್ನಲಾಗಿದೆ.

ಇದನ್ನೂ ಓದಿ: ಸಿಂಘು ಗಡಿಯಲ್ಲಿ ಭಾರತೀಯ ಕುಸ್ತಿಪಟು ಗೀತಾ ಪೋಗಟ್‌, ಪತಿ ಪವನ್‌ ಸರೋಹಾ ಬಂಧನ