ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದ ಬಳಿಕ ದೂರವಾದ ಎಲಾನ್ ಮಸ್ಕ್- ಗ್ರಿಮ್ಸ್

Team Udayavani, Mar 14, 2022, 1:21 PM IST

ನ್ಯೂಯಾರ್ಕ್: ಕೆಲ ದಿನಗಳ ಹಿಂದಷ್ಟೇ ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದು ಸುದ್ದಿಯಾಗಿದ್ದ ಪ್ರಸಿದ್ದ ಟೆಸ್ಲಾ ಸಂಸ್ಥೆ ಮುಖ್ಯಸ್ಥ ಎಲಾನ್ ಮಸ್ಕ್ ಮತ್ತು ಗೆಳತಿ ಗ್ರಿಮ್ಸ್ ಇದೀಗ ಬ್ರೇಕಪ್ ಮಾಡಿಕೊಂಡಿದ್ದಾರೆ. ಸುಮಾರು ಮೂರು ವರ್ಷಗಳಿಂದ ಡೇಟ್ ಮಾಡುತ್ತಿದ್ದ ಎಲಾನ್ ಮತ್ತು ಗ್ರಿಮ್ಸ್ ಇದೀಗ ದೂರವಾಗಲು ನಿರ್ಧರಿಸಿದ್ದಾರೆ.

ಇವರು ಇತ್ತೀಚೆಗಷ್ಟೇ ಬಾಡಿಗೆ ತಾಯ್ತನದ ಮೂಲಕ ತಮ್ಮ ಎರಡನೇ ಮಗುವನ್ನು ಪಡೆದಿದ್ದರು. ಇದೀಗ ದೂರವಾಗುತ್ತಿರುವ ವಿಚಾರವನ್ನು ಗ್ರಿಮ್ಸ್ ಸಾಮಾಜಿಕ ಜಾಲತಾಣದ ಮೂಲಕ ಬಹಿರಂಗ ಪಡಿಸಿದ್ದಾರೆ.

ವ್ಯಾನಿಟಿ ಫೇರ್ ಮ್ಯಾಗಜೀನ್‌ನೊಂದಿಗೆ ಇತ್ತೀಚೆಗೆ ಪ್ರಕಟವಾದ ಲೇಖನವನ್ನು ಉಲ್ಲೇಖಿಸಿ, ಅವರು “ಈ ಲೇಖನವನ್ನು ಬರೆದ ನಂತರ ನಾನು ಮತ್ತು ಎಲಾನ್ ಮತ್ತೆ ದೂರವಾಗಿದ್ದೇವೆ” ಎಂದು ಬರೆದಿದ್ದಾರೆ. ಎಲಾನ್ ಮಸ್ಕ್ ತನ್ನ ಅತ್ಯುತ್ತಮ ಸ್ನೇಹಿತನಾಗಿ ಮುಂದುವರಿಸುತ್ತೇವೆ” ಎಂದು ಹೇಳಿದರು.

ಇದನ್ನೂ ಓದಿ:ಪಂಚರಾಜ್ಯ ಸೋಲಿಗೆ ಕೇವಲ ‘ಗಾಂಧಿ ಕುಟುಂಬ’ ಹೊಣೆಯಲ್ಲ…: ಮಲ್ಲಿಕಾರ್ಜುನ ಖರ್ಗೆ

ಎಲಾನ್ ಮಸ್ಕ್ ಮತ್ತು ಗ್ರಿಮ್ಸ್ 2018ರಿಂದ ಡೇಟ್ ಮಾಡುತ್ತಿದ್ದಾರೆ. ಆದರೆ 2021ರ ಸೆಪ್ಟೆಂಬರ್ ನಲ್ಲಿ ಮೊದಲ ಬಾರಿಗೆ ಬ್ರೇಕ್ ಅಪ್ ಮಾಡಿಕೊಳ್ಳುವುದಾಗಿ ಘೋಷಣೆ ಮಾಡಿದ್ದರು. ಗ್ರಿಮ್ಸ್ ಅವರ ನಿಜವಾದ ಹೆಸರು ಕ್ಲಾರಾ ಎಲಿಸ್ ಬೌಚರ್ ಆಗಿದ್ದು, ಆಕೆ ಕೆನಡಾದ ಸಂಗೀತಗಾರ್ತಿಯಾಗಿದ್ದಾರೆ. ಎಲಾನ್- ಗ್ರಿಮ್ಸ್ ಗೆ ಓರ್ವ ಪುತ್ರ ಮತ್ತು ಓರ್ವ ಪುತ್ರಿಯಿದ್ದಾರೆ.

Me and E have broken up *again* since the writing of this article haha, but he’s my best friend and the love of my life, and my life and art are forever dedicated to The Mission now, I think Devin wrote that part of the story rly well. Sique – peace out

— ?????? (⌛️,⏳) ᚷᚱᛁᛗᛖᛋ (@Grimezsz) March 10, 2022