London; ಬೇಹುಗಾರಿಕೆ ಆರೋಪ: ವಿಕಿಲೀಕ್ಸ್‌ ಸ್ಥಾಪಕ ಅಸ್ಸಾಂಜ್‌ ಜೈಲಿಂದ ಬಿಡುಗಡೆ

Team Udayavani, Jun 25, 2024, 11:02 PM IST

ಲಂಡನ್‌: ಅಮೆರಿಕದ ರಕ್ಷಣಾ ರಹಸ್ಯಗಳನ್ನು ಬಹಿರಂಗಪಡಿಸಿದ ಆರೋಪ ಎದುರಿಸುತ್ತಿದ್ದ ವಿಕಿಲೀಕ್ಸ್‌ ಸಂಸ್ಥೆ ಸ್ಥಾಪಕ ಜೂಲಿಯನ್‌ ಅಸ್ಸಾಂಜ್‌ ಜೈಲಿನಿಂದ ಬಿಡುಗಡೆಯಾಗಿದ್ದಾರೆ.

ಇಂಗ್ಲೆಂಡ್‌ನ‌ ಜೈಲಲ್ಲಿದ್ದ ಅವರು ಈಗ ಆಸ್ಟ್ರೇಲಿಯಾಗೆ ವಾಪಸಾಗಿದ್ದಾರೆ. 2019ರಲ್ಲಿ ಅವರು ಲಂಡನ್‌ನಲ್ಲಿದ್ದ ಈಕ್ವೆಡಾರ್‌ ರಾಯಭಾರ ಕಚೇರಿಯಲ್ಲಿ ಆಶ್ರಯ ಪಡೆದಿದ್ದರು. ನಂತರ ಅವರನ್ನು ಇಂಗ್ಲೆಂಡ್‌ನ‌ ಕಿರು ಸೆಲ್‌ನಲ್ಲಿ ಇರಿಸಲಾಗಿತ್ತು. ಅವರನ್ನು ತನಗೆ ಹಸ್ತಾಂತರಿಸಬೇಕೆಂದು ಅಮೆರಿಕ ವಾದಿಸುತ್ತಿತ್ತು. ಇದನ್ನು ಅಸ್ಸಾಂಜ್‌ ವಿರೋಧಿಸಿದ್ದರು.

ಇಂತಹ ಪ್ರಕರಣದಲ್ಲಿ ಹೇರಲಾಗುವ 62 ತಿಂಗಳ (5 ವರ್ಷ 2 ತಿಂಗಳು) ಜೈಲು ಶಿಕ್ಷೆಯನ್ನು ಈಗಾಗಲೇ ಅಸ್ಸಾಂಜ್‌ ಇಂಗ್ಲೆಂಡ್‌ ಜೈಲಿನಲ್ಲಿ ಕಳೆದಿದ್ದಾರೆ. ಹಾಗಾಗಿ ಅವರನ್ನು ಬಿಡುಗಡೆ ಮಾಡಬಹುದು ಅಮೆರಿಕದ ಕಾನೂನು ಸಚಿವಾಲಯ ಪತ್ರವನ್ನು ಲಂಡನ್‌ನ ಹೈಕೋರ್ಟ್‌ಗೆ ಕಳುಹಿಸಿದೆ. ಇದರ ಆಧಾರದ ಮೇಲೆ ಅವರಿಗೆ ಜಾಮೀನು ಲಭಿಸಿದೆ.