ಈಜಿಪ್ಟ್ ನಲ್ಲಿ ಉಗ್ರರ ದಾಳಿಗೆ ಐವರು ಪೊಲೀಸರು ಬಲಿ

Team Udayavani, Jan 23, 2017, 11:09 AM IST

ಕೈರೋ : ಮಧ್ಯ ಸಿನಾಯ್‌ ನಲ್ಲಿ ನಿನ್ನೆ ತಡರಾತ್ರಿ ಭಯೋತ್ಪಾದಕರು ಪೊಲೀಸರ ವಾಹನವನ್ನು ತಡೆದು ನಿಲ್ಲಿಸಿ ಗುಂಡಿನ ದಾಳಿ ನಡೆಸಿದ ಪರಿಣಾವಾಗಿ ಐವರು ಪೊಲೀಸರು ಹತರಾಗಿದ್ದಾರೆ. ಪೊಲೀಸ್‌ ವಾಹನದ ಮೇಲೆ ದಾಳಿ ನಡೆಸಿದ ಉಗ್ರರು ಕೂಡಲೇ ಅಲ್ಲಿಂದ ಪರಾರಿಯಾಗಿದ್ದಾರೆ.

ಈ ಘಟನೆಯನ್ನು ಅನುಸರಿಸಿ ಪೊಲೀಸರು ಮತ್ತು ಸೈನಿಕರು ಉತ್ತರ ಸಿನಾಯ್‌ನಲ್ಲಿ ವ್ಯಾಪಕ ಶೋಧ ಕಾರ್ಯಾಚರಣೆ ಕೈಗೊಂಡಿದ್ದಾರೆ. ಈ ಪ್ರದೇಶದಲ್ಲಿ ಹಲವಾರು ಉಗ್ರರು ಅವಿತುಕೊಂಡಿರುವುದಾಗಿ ವರದಿಯಾಗಿದೆ. 

ಈ ನಡುವೆ ಭದ್ರತಾ ಪಡೆಗಳು ಶಂಕಿತ ಉಗ್ರರು ಅವಿತುಕೊಂಡಿದ್ದ ಮನೆಯೊಂದನ್ನು ನಾಶಪಡಿಸಿದ್ದಾರೆ. ಇದೇ ರೀತಿ ಗಾಜಾ ಪಟ್ಟಿಯನ್ನು ಸಂಪರ್ಕಿಸುವ ಕೆಲವು ಸುರಂಗಳನ್ನು ಕೂಡ ಭದ್ರತಾ ಪಡೆಗಳು ನಾಶಪಡಿಸಿವೆ. 

2013ರಲ್ಲಿ ಇಸ್ಲಾಮಿಕ್‌ ಅಧ್ಯಕ್ಷ ಮೊಹಮ್ಮದ್‌ ಮೋರ್ಸಿ ಪದಚ್ಯುತಿಯ ಬಳಿಕ ಉತ್ತರ ಸಿನಾಯ್‌ನಲ್ಲಿ ವ್ಯಾಪಕ ಭಯೋತ್ಪಾದಕ ಕೃತ್ಯ ಹಾಗೂ ಹಿಂಸೆ ನಡೆಯುತ್ತಲೇ ಇವೆ.