ಅಫ್ಘಾನಿಸ್ತಾನ: ಕಾಬೂಲ್‌ನ ಸುರಂಗದಲ್ಲಿ ಸ್ಫೋಟ: 19 ಸಾವು

Team Udayavani, Dec 18, 2022, 10:11 PM IST

ಕಾಬೂಲ್‌:ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್‌ನ ಸುರಂಗವೊಂದರಲ್ಲಿ ಶನಿವಾರ ರಾತ್ರಿ ಇಂಧನ ಟ್ಯಾಂಕರ್‌ ಸ್ಫೋಟಗೊಂಡು 19 ಮಂದಿ ಮೃತಪಟ್ಟಿದ್ದಾರೆ. ಘಟನೆಯಲ್ಲಿ 32ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಕಾಬೂಲ್‌ನಿಂದ 80 ಮೈಲು ದೂರದಲ್ಲಿರುವ ಸಲಾಂಗ್‌ ಸುರಂಗದಲ್ಲಿ ಈ ಅವಘಡ ನಡೆದಿದೆ. 1960ರ ದಶಕದಲ್ಲಿ ನಿರ್ಮಿಸಲಾದ ಈ ಸುರಂಗವು ದೇಶದ ಉತ್ತರ ಮತ್ತು ದಕ್ಷಿಣ ಭಾಗವನ್ನು ಸಂಪರ್ಕಿಸುವಂಥದ್ದು. ಸುರಂಗದಲ್ಲಿ ಇಂಧನ ಟ್ಯಾಂಕ್‌ ಸ್ಫೋಟಗೊಳ್ಳಲು ಕಾರಣವೇನು ಎಂಬುದು ಇನ್ನೂ ತಿಳಿದುಬಂದಿಲ್ಲ.

ಆದರೆ, ಘಟನೆಯಲ್ಲಿ ಮಹಿಳೆಯರು, ಮಕ್ಕಳು ಸೇರಿ 19 ಮಂದಿ ಅಸುನೀಗಿದ್ದಾರೆ. ಹಲವರು ಅವಶೇಷಗಳಡಿ ಸಿಲುಕಿದ್ದಾರೆ.

ಹೀಗಾಗಿ, ಸಾವಿನ ಸಂಖ್ಯೆ ಹೆಚ್ಚಳವಾಗುವ ಸಾಧ್ಯತೆಯಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.