![19](https://www.udayavani.com/wp-content/uploads/2024/09/19-415x249.jpg)
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
Team Udayavani, Apr 24, 2024, 5:48 PM IST
![Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ](https://www.udayavani.com/wp-content/uploads/2024/04/Kana-620x348.jpg)
ನವದೆಹಲಿ: ನೋಯ್ಡಾದ ಬಹುದೊಡ್ಡ ಗುಜರಿ ಮಾಫಿಯಾದ ಹಾಗೂ ಸ್ಟೀಲ್ ಸ್ಮಗ್ಲಿಂಗ್ ಕಿಂಗ್ ಪಿನ್ , ಗ್ಯಾಂಗ್ ಸ್ಟರ್ ರವಿ ಕಾನಾ ಹಾಗೂ ಆತನ ಗರ್ಲ್ ಫ್ರೆಂಡ್ ಕಾಜಲ್ ಜಾ ಸೇರಿದಂತೆ ಇಬ್ಬರನ್ನೂ ಥಾಯ್ ಲ್ಯಾಂಡ್ ನಲ್ಲಿ ಬಂಧಿಸಿರುವುದಾಗಿ ವರದಿ ತಿಳಿಸಿದೆ.
ಇದನ್ನೂ ಓದಿ:LS Polls: ರಾಜ್ಯದ ಜನರಿಗೆ ಈಶ್ವರಪ್ಪ ಸ್ಪರ್ಧೆ ವಿಷಯ ಈಗ ಖಚಿತ: ಈಶ್ವರಪ್ಪ
ವರದಿಯ ಪ್ರಕಾರ, ನಟೋರಿಯಸ್ ರವಿ ಕಾನಾ ಬಗ್ಗೆ ನೋಯ್ಡಾ ಪೊಲೀಸರು ಥಾಯ್ ಲ್ಯಾಂಡ್ ಪೊಲೀಸ್ ಅಧಿಕಾರಿಗಳು ಸೂಕ್ಷ್ಮ ಮಾಹಿತಿಗಳನ್ನು ರವಾನಿಸಿದ ನಂತರ ಈ ಬಂಧನದ ಘಟನೆ ನಡೆದಿರುವುದಾಗಿ ವರದಿ ವಿವರಿಸಿದೆ.
ಜನವರಿ ತಿಂಗಳಿನಲ್ಲಿ ಕಾನಾ ವಿರುದ್ಧ ರೆಡ್ ಕಾರ್ನರ್ ನೋಟಿಸ್ ಹೊರಡಿಸಲಾಗಿತ್ತು. ರವಿ ಕಾನಾ ಆಲಿಯಾಸ್ ರವೀಂದ್ರ ನಗರ್ ಪಶ್ಚಿಮ ಉತ್ತರಪ್ರದೇಶದ ಗ್ಯಾಂಗ್ ಸ್ಟರ್ ಆಗಿದ್ದು, ಈತನ ಮೇಲೆ ನೋಯ್ಡಾ ಪೊಲೀಸರು ಹಲವಾರು ಪ್ರಕರಣಗಳನ್ನು ದಾಖಲಿಸಿದ್ದರು.
ಈತ ಅಕ್ರಮವಾಗಿ ಗುಜರಿ ವಸ್ತುಗಳ ಮಾರಾಟದ ಜಾಲ ನಡೆಸುತ್ತಿದ್ದು, ಜೊತೆಗೆ 16 ಸದಸ್ಯರನ್ನೊಳಗೊಂಡ ಗ್ಯಾಂಗ್ ನ ಉಸ್ತುವಾರಿಯಾಗಿದ್ದು, ಸಮಾಜ ವಿರೋಧಿ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಆರಂಭದಲ್ಲಿ ಗುಜರಿ ವ್ಯಾಪಾರಿಯಾಗಿದ್ದ ರವಿ ಕಾನಾ ನಂತರದಲ್ಲಿ ಗುಜರಿ ಮಾಫಿಯಾ ಹಾಗೂ ದೆಹಲಿ-ಎನ್ ಸಿಆರ್ ಪ್ರದೇಶದಲ್ಲಿ ಉದ್ಯಮಿಗಳಿಂದ ಹಣ ಸುಲಿಗೆ ಮಾಡುವ ದಂಧೆ ಮೂಲಕ ಕೋಟ್ಯಧೀಶ್ವರನಾಗಿದ್ದ ಎಂದು ವರದಿ ತಿಳಿಸಿದೆ.
ರವಿ ಕಾನಾ ತಂಡದ ಹಲವು ಸದಸ್ಯರು ಈಗಾಗಲೇ ಜೈಲುಶಿಕ್ಷೆ ಅನುಭವಿಸುತ್ತಿದ್ದಾರೆ. ನೋಯ್ಡಾ ಪೊಲೀಸರು ಈಗಾಗಲೇ ಗ್ಯಾಂಗ್ ಸ್ಟರ್ ರವಿ ಕಾನಾಗೆ ಸೇರಿದ ಗೋಡೌನ್ ಗಳನ್ನು ಮುಚ್ಚಿರುವುದಾಗಿ ವರದಿ ತಿಳಿಸಿದೆ.
ಟಾಪ್ ನ್ಯೂಸ್
![19](https://www.udayavani.com/wp-content/uploads/2024/09/19-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.