ಸ್ಪೆಲಿಂಗ್ ಬೀ ಸ್ಪರ್ಧೆ: ಭಾರತ ಮೂಲದ ಹರಿಣಿ ಲೋಗನ್‌ ಚಾಂಪಿಯನ್‌

Team Udayavani, Jun 3, 2022, 7:32 PM IST

ವಾಷಿಂಗ್ಟನ್‌: ಅಮೆರಿಕದಲ್ಲಿ ಮಕ್ಕಳಿಗಾಗಿ ನಡೆಸುವ “ಸ್ಕಿಪ್ಸ್‌ ರಾಷ್ಟ್ರೀಯ ಸ್ಪೆಲ್ಲಿಂಗ್‌ ಬೀ ಚಾಂಪಿಯನ್‌’ ಸ್ಪರ್ಧೆಯಲ್ಲಿ ಭಾರತ ಮೂಲದ ಹರಿಣಿ ಲೋಗನ್‌(14) ಮೊದಲ ಬಹುಮಾನ ಪಡೆದುಕೊಂಡಿದ್ದಾರೆ.

ಜೂ.2ರಂದು ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ ಹರಿಣಿ 90 ಸೆಕೆಂಡುಗಳಲ್ಲಿ 26 ಪದಗಳ ಸ್ಪೆಲ್ಲಿಂಗ್‌ ಹೇಳಿದ್ದು, ಅದರಲ್ಲಿ 21 ಸರಿ ಉತ್ತರವಾಗಿದ್ದವು. ಅದೇ ರೀತಿ ಸ್ಪರ್ಧೆಯಲ್ಲಿ 2ನೇ ಸ್ಥಾನ ತನ್ನದಾಗಿಸಿಕೊಂಡ ಡೆನ್ವೆರ್‌ನ 12 ವರ್ಷದ ಬಾಲಕ ವಿಕ್ರಮ್‌ ರಾಜು 90 ಸೆಕೆಂಡುಗಳಲ್ಲಿ 19 ಪದಗಳ ಸ್ಪೆಲ್ಲಿಂಗ್‌ ಹೇಳಿದ್ದು, ಅದರಲ್ಲಿ 15 ಸರಿ ಉತ್ತರಗಳಾಗಿದ್ದವು.

ಇದನ್ನೂ ಓದಿ:ವಿದ್ಯುತ್ ಸ್ಥಾವರಗಳ ಬಿಲ್ಲಿಂಗ್ ರಿಯಾಯ್ತಿ ಮುಂದುವರಿಕೆ; ಗೊಂದಲ ಬೇಡ: ಸವದಿ ಸ್ಪಷ್ಟನೆ

ಚಾಂಪಿಯನ್‌ ಆದ 8ನೇ ತರಗತಿ ವಿದ್ಯಾರ್ಥಿನಿ ಹರಿಣಿಗೆ 50,000 ಡಾಲರ್‌(38 ಲಕ್ಷ ರೂ.)ನ್ನು ಬಹುಮಾನವಾಗಿ ಕೊಡಲಾಗಿದೆ.

ಹರಿಣಿಗೆ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಕೂಡ ಶುಭ ಹಾರೈಸಿದ್ದಾರೆ.