ಚೀನದಲ್ಲಿ ಹಿಂದೂ, ಕ್ರಿಶ್ಚಿಯನ್‌ ಮಹಿಳೆಯರ ಬಲವಂತ ಮಾರಾಟ

Team Udayavani, Dec 9, 2020, 11:34 PM IST

ಸಾಂದರ್ಭಿಕ ಚಿತ್ರ

ವಾಷಿಂಗ್ಟನ್‌: ಪಾಕಿಸ್ಥಾನ ಚೀನದಲ್ಲಿ ಹಿಂದೂ ಮತ್ತು ಕ್ರಿಶ್ಚಿಯನ್‌ ಮಹಿಳೆಯರನ್ನು ಬಲವಂತದ ವಧುಗಳನ್ನಾಗಿ ಚೀನದಲ್ಲಿ ಮಾರಾಟ ಮಾಡುತ್ತಿದೆ ಎಂದು ಅಮೆರಿಕ ಆರೋಪಿಸಿದೆ.

ಧಾರ್ಮಿಕ ಸ್ವಾತಂತ್ರ್ಯಕ್ಕಾಗಿ ಅಮೆರಿಕದ ಹಿರಿಯ ಅಧಿಕಾರಿ ಯಾಗಿರುವ ಸಾಮ್ಯುವೆಲ್‌ ಡಿ. ಬ್ರೌನ್‌ ಬ್ಯಾಕ್‌ ಮಂಗಳವಾರ ಈ ಆರೋಪ ಮಾಡಿದ್ದಾರೆ. ಮಾನವಕಳ್ಳಸಾಗಣೆಯ ಮೂಲಕ ತಂದ ಹೆಣ್ಣುಮಕ್ಕಳನ್ನು ಒತ್ತಾಯಪೂರ್ವಕವಾಗಿ ಚೀನಿಯರೊಂದಿಗೆ ಮದುವೆ ಮಾಡಿಸಲಾಗುತ್ತದೆ. ಮಾನವಕಳ್ಳಸಾಗಣೆಯ ಮೂಲಕ ಚೀನ ಸೇರುವ ಅನೇಕ ಹೆಣ್ಣುಮಕ್ಕಳು ಪಾಕಿಸ್ತಾನದ ಕ್ರಿಶ್ಚಿಯನ್‌ ಅಥವಾ ಹಿಂದೂ ಅಲ್ಪಸಂಖ್ಯಾತರು. ಇವರನ್ನೆಲ್ಲ ಅಪಹರಿಸುವ ಪಾಕಿಸ್ತಾನ ಮಾರಾಟ ಮಾಡುತ್ತದೆ. ಪಾಕಿಸ್ಥಾನದಲ್ಲಿ ಸರಕಾರದ ವತಿಯಿಂದಲೇ ಧಾರ್ಮಿಕ ಅಲ್ಪಸಂಖ್ಯಾತರ ವಿರುದ್ಧ ಅತೀವ ಭೇದಭಾವ ಮಾಡಲಾಗುತ್ತದೆ ಎಂದು ಆರೋಪಿಸಿದ್ದಾರೆ. ಧರ್ಮನಿಂದನೆ ಆರೋಪದಲ್ಲಿ ಜಾಗತಿಕವಾಗಿ ಜೈಲಿನಲ್ಲಿರುವ ಅರ್ಧಕ್ಕರ್ಧ ಜನರು ಪಾಕಿಸ್ತಾನದ ಜೈಲುಗಳಲ್ಲೇ ಇದ್ದಾರೆ” ಎಂದು ಸ್ಯಾಮುವೆಲ್‌ ಬ್ರೌನ್‌ಬ್ಯಾಕ್‌ ಆರೋಪಿಸಿದ್ದಾರೆ.