ಮರಳುನಾಡಲ್ಲೊಂದು ಮನೋರಂಜನಾ ಲೋಕ

Team Udayavani, Apr 30, 2018, 9:40 AM IST

ಹಲವು ‘ಪ್ರಥಮ’ಗಳ ಗರಿಮೆ ಹೊಂದಿರುವ ಸೌದಿ ಅರೇಬಿಯಾವು ಈಗ ಫ್ಲೋರಿಡಾದ ಡಿಸ್ನಿ ಲ್ಯಾಂಡ್‌ ಅನ್ನೇ ಮೀರಿಸುವಂಥ ಬೃಹತ್‌ ಮನೋರಂಜನ ರೆಸಾರ್ಟ್‌ವೊಂದನ್ನು ನಿರ್ಮಿಸಲು ಮುಂದಾಗಿದೆ. ಇದರ ಹೆಸರು ‘ಖೀದ್ದಿಯಾ’. ಸಾಮಾಜಿಕ ಕಟ್ಟಳೆಗಳನ್ನು ಸಡಿಲಿಸುತ್ತಾ, ಆರ್ಥಿಕತೆಯನ್ನು ಜಗತ್ತಿಗೆ ತೆರೆಯುವ ಉದ್ದೇಶದಿಂದ ಈ ಯೋಜನೆ ಹಾಕಿಕೊಳ್ಳಲಾ ಗಿದೆ. ಸೌದಿ ದೊರೆ ಸಲ್ಮಾನ್‌, ಭಾವೀ ದೊರೆ ಮೊಹಮ್ಮದ್‌ ಬಿನ್‌ ಸಲ್ಮಾನ್‌ ಶನಿವಾರವೇ ಈ ಕೇಂದ್ರದ ಶಿಲಾನ್ಯಾಸ ನೆರವೇರಿಸಿದ್ದಾರೆ. ಖೀದ್ದಿಯಾ ಎಂಬ ಮನೋರಂಜನ ಲೋಕದ ಬಗ್ಗೆ ಮಾಹಿತಿ ಇಲ್ಲಿದೆ.

– ಇದರ ಮೂಲಸೌಕ ರ್ಯಕ್ಕೆ ತಗಲುವ ವೆಚ್ಚ.: 53,300 ಕೋಟಿ
– ಮೊದಲ ಹಂತ ಕಾರ್ಯಾರಂಭ : 2020ರಲ್ಲಿ 
– ಪ್ರದೇಶದಲ್ಲಿ ನಿರ್ಮಾಣ : 82,533 ಎಕರೆ
– ಪ್ರತಿ ವರ್ಷ ಭೇಟಿ ನೀಡುವ ಪ್ರವಾಸಿಗರ ಅಂದಾಜು ಸಂಖ್ಯೆ: 15 ಲಕ್ಷ
– ಡಿಸ್ನಿ ಲ್ಯಾಂಡ್‌ಗೆ ಹೋಲಿಸಿದರೆ ಇದರ ವ್ಯಾಪ್ತಿ: 2.5 ಪಟ್ಟು ಹೆಚ್ಚು 
– ಮನೋರಂಜನಾ ನಗರದಿಂದ ಸೃಷ್ಟಿಯಾಗುವ ಉದ್ಯೋಗ: 57,000

ಖೀದ್ದಿಯಾ ಎಲ್ಲಿದೆ?
ಸೌದಿ ಅರೇಬಿಯಾದ ರಾಜಧಾನಿ ರಿಯಾದ್‌ನಿಂದ 40 ಕಿ.ಮೀ. ದೂರದಲ್ಲಿದೆ. ಒಂದು ಗಂಟೆ ಪ್ರಯಾಣದ ಅವಧಿ.

ಉದ್ದೇಶ
– ಮುಕ್ತ ಆರ್ಥಿಕತೆಗೆ ಉತ್ತೇಜನ
– ಸಾಗರೋತ್ತರ ಪ್ರವಾಸೋದ್ಯಮಕ್ಕೆ ಒತ್ತು.
– ತನ್ನ ನಾಗರಿಕರಿಗೆ ಉದ್ಯೋಗಾವಕಾಶ ಸೃಷ್ಟಿ
– ಸಾಮಾಜಿಕ ನಿರ್ಬಂಧಗಳ ತೆರವಿಗೆ ಅವಕಾಶ

ಏನೇನಿರಲಿದೆ?
6 ಫ್ಲ್ಯಾಗ್ಸ್‌ ಥೀಮ್‌ ಪಾರ್ಕ್‌, ವಾಟರ್‌ ಪಾರ್ಕ್‌, ಮೋಟಾರ್‌ ನ್ಪೋರ್ಟ್ಸ್, ಸಾಂಸ್ಕೃತಿಕ ಕೇಂದ್ರಗಳು, ವೆಕೇಷನ್‌ ಹೋಂಗಳು, ಅಂತಾರಾಷ್ಟ್ರೀಯ ಪಂದ್ಯಗಳನ್ನು ನಡೆಸಬಹುದಾದ ಕ್ರೀಡಾ ಸೌಲಭ್ಯಗಳು ಇತ್ಯಾದಿ.