ಇರ್ಫಾನ್‌ ಖಾನ್‌ಗೆ ಐಫಾ ಪುರಸ್ಕಾರ

Team Udayavani, Jun 26, 2018, 6:00 AM IST

ಬ್ಯಾಂಕಾಕ್‌: ಬಾಲಿವುಡ್‌ ನಟಿ ವಿದ್ಯಾ ಬಾಲನ್‌ ಮುಖ್ಯಭೂಮಿಕೆಯಲ್ಲಿರುವ ತುಮ್ಹಾರಿ ಸುಲು ಸಿನೆಮಾಗೆ ಇಂಡಿಯನ್‌ ಇಂಟರ್‌ನ್ಯಾಷನಲ್‌ ಫಿಲಂ ಅವಾರ್ಡ್ಸ್‌ (ಐಫಾ) 2018ರ ಉತ್ತಮ ಸಿನೆಮಾ ಪುರಸ್ಕಾರ ಲಭ್ಯವಾಗಿದೆ. ಬ್ಯಾಂಕಾಕ್‌ನ ಸಿಯಾಮ್‌ ನಿರಮಿತ್‌ನಲ್ಲಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆದಿದೆ. ನ್ಯೂರೋ ಎಂಡೋಕ್ರಿನ್‌ ಟ್ಯೂಮರ್‌ ರೋಗದಿಂದ ಬಳಲುತ್ತಿರುವ ಇರ್ಫಾನ್‌ ಖಾನ್‌ ಉತ್ತಮ ನಟ ಹಾಗೂ ನಟಿ ಶ್ರೀದೇವಿಗೆ ಮರಣೋತ್ತರವಾಗಿ ಉತ್ತಮ ನಟಿ ಪುರಸ್ಕಾರ ಸಿಕ್ಕಿದೆ. ಇರ್ಫಾನ್‌ ಖಾನ್‌ ಬದಲಿಗೆ ನಟಿ ಶ್ರದ್ಧಾ ಕಪೂರ್‌ ಪ್ರಶಸ್ತಿ ಫ‌ಲಕ ಸ್ವೀಕರಿಸಿದ್ದಾರೆ. ಶ್ರೀದೇವಿ ಪುರಸ್ಕಾರವನ್ನು ಪತಿ ಬೋನಿ ಕಪೂರ್‌ ಸ್ವೀಕರಿಸಿದ್ದಾರೆ. ಈ ವೇಳೆ ಶ್ರೀದೇವಿ ನೆನಪಿಸಿಕೊಂಡು ಬೋನಿ ಕಪೂರ್‌ ಭಾವುಕರಾದರು.

ಸಾಕೇತ್‌ ಚೌಧರಿ ಹಿಂದಿ ಮೀಡಿಯಂ ಸಿನಿಮಾ ನಿರ್ದೇಶನಕ್ಕಾಗಿ ಉತ್ತಮ ನಿರ್ದೇಶಕ ಪ್ರಶಸ್ತಿ, ಸೀಕ್ರೆಟ್‌ ಸೂಪರ್‌ಸ್ಟಾರ್‌ ಸಿನಿಮಾದಲ್ಲಿನ ನಟನೆಗಾಗಿ ಮೆಹೆರ್‌ ವಿಜ್‌ ಹಾಗೂ ಮಾಮ್‌ ಸಿನಿಮಾದಲ್ಲಿ ನಟನೆಗಾಗಿ ನವಾಜುದ್ದೀನ್‌ ಸಿದ್ದಿಕಿ ಉತ್ತಮ ಪೋಷಕ ಪಾತ್ರಧಾರಿ ಪುರಸ್ಕಾರ ಪಡೆದಿದ್ದಾರೆ. ಉತ್ತಮ ಹಿನ್ನೆಲೆ ಗಾಯಕ ಹಾಗೂ ಗಾಯಕಿ ಪುರಸ್ಕಾರವನ್ನು ಅರಿಜಿತ್‌ ಸಿಂಗ್‌ ಮತ್ತು ಮೇಘನಾ ಮಿಶ್ರಾ ಪಡೆದಿದ್ದಾರೆ. ಉತ್ತಮ ಸಂಗೀತ ನಿರ್ದೇಶಕ ಪುರಸ್ಕಾರ ಬದ್ರಿನಾಥ್‌ ಕಿ ದುಲ್ಹನಿಯಾ ಸಿನಿಮಾದ ಸಂಗೀತ ನಿರ್ದೇಶಕರಾದ ಅಮಾಲ್‌ ಮಲಿಕ್‌, ತನ್ಶಿಕ್‌ ಬಗಿc ಮತ್ತು ಅಖೀಲ್‌ ಸಚ್‌ದೇವ ಪಡೆದಿದ್ದಾರೆ.