Switzerland; ಅಕ್ರಮವಾಗಿ ಆತ್ಮಹ*ತ್ಯಾ ಕೋಶ ಬಳಕೆ

Team Udayavani, Nov 5, 2024, 6:58 AM IST

ಹೊಸದಿಲ್ಲಿ: ಸ್ವಿಜರ್ಲೆಂಡ್‌ನ‌ಲ್ಲಿ ತಯಾರಿ­ಸಲಾಗಿದ್ದ ಆತ್ಮಹತ್ಯಾ ಕೋಶದಲ್ಲಿ ಮೊದಲ ಬಾರಿ ಸತ್ತ ಮಹಿಳೆಯ ಕತ್ತು ಹಿಸುಕಲಾಗಿತ್ತು ಎಂದು ವರದಿಯೊಂದು ತಿಳಿಸಿದೆ. ಸಾರ್ಕೋ ಹೆಸರಿನ ಈ ಆತ್ಮ­ಹತ್ಯಾ ಕೋಶಕ್ಕೆ ಸ್ವಿಜರ್ಲೆಂಡ್‌ನ‌ಲ್ಲಿ ನಿಷೇಧ ವಿಧಿಸಲಾಗಿದ್ದರೂ ಅಕ್ರಮವಾಗಿ ಅರಣ್ಯ ಪ್ರದೇಶದಲ್ಲಿ ಇದರ ಪ್ರಯೋಗ ನಡೆಸಲಾಗಿತ್ತು. ಇದೀಗ ಇದರಲ್ಲಿ ಸತ್ತ ಮಹಿಳೆಯ ಮರಣೋ­ತ್ತರ ಪರೀಕ್ಷೆ ನಡೆಸಲಾಗಿದ್ದು, ಆಕೆಯ ಕತ್ತಿನ ಸುತ್ತ ಬಲವಾದ ಗಾಯವಾಗಿದ್ದು, ಉಸಿರುಗಟ್ಟಿಸಿ ಸಾಯಿಸಿರುವ ಸಾಧ್ಯತೆ ಇದೆ.

ಅಲ್ಲದೇ ಪ್ರಯೋಗದ ಸಮಯ­ದಲ್ಲಿ ಸಾರ್ಕೋದ ಬಾಗಿಲನ್ನು ಹಲವು ಬಾರಿ ತೆಗೆದು ಮುಚ್ಚಲಾಗಿದೆ ಎನ್ನಲಾ­ಗಿದೆ. ಪ್ರಯೋಗದ ವೇಳೆ ಮಾಡಲಾಗಿದ್ದ ವೀಡಿಯೋವನ್ನಿಟ್ಟು­ಕೊಂಡು ಪೊಲೀ ಸರು ಮತ್ತೆ ತನಿಖೆ ಆರಂಭಿಸಿದ್ದಾರೆ. ಸೆ.23ರಂದು ಇದರ‌ ಬಳಕೆ ಮಾಡಲಾ ಗಿತ್ತು. ಬಳಿಕ ಘಟನೆಗೆ ಕಾರಣವಾದ ವರನ್ನು ಪೊಲೀಸರು ಬಂಧಿಸಿದ್ದರು.

ಏನಿದು ಸಾರ್ಕೋ?: ದಯಾಮರಣ ಬಯಸುವವರಿಗಾಗಿ ಈ ಯಂತ್ರ ತಯಾ­­ರಿ­ಸಲಾಗಿದ್ದು, ಇದರಲ್ಲಿ ನೈಟ್ರೋ ಜನ್‌ ಬಿಡುಗಡೆಯಾಗುವ ಮೂಲಕ ಒಳಗಿರುವ ವ್ಯಕ್ತಿ ಕೆಲವೇ ಕ್ಷಣಗಳಲ್ಲಿ ಗಾಢ ನಿದ್ರೆಗೆ ಜಾರಿ, ಬಳಿಕ ಆಮ್ಲಜನಕದ ಕೊರತೆಯಿಂದ ಸಾವನ್ನಪ್ಪುತ್ತಾರೆ.