ಜೋ ಬಿಡೆನ್ ಗೆ ತಿರುಗೇಟು ನೀಡಿದ ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್

Team Udayavani, Oct 15, 2022, 10:03 PM IST

ಇಸ್ಲಾಮಾಬಾದ್: ಪಾಕಿಸ್ಥಾನ ವಿಶ್ವದ ಅತ್ಯಂತ ಅಪಾಯಕಾರಿ ಪರಮಾಣು ರಾಷ್ಟ್ರಗಳಲ್ಲಿ ಒಂದಾಗಿದೆ ಎಂದು ಹೇಳಿಕೆ ನೀಡಿದ್ದ ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಅವರಿಗೆ ಪಾಕ್ ಮಾಜಿ ಪ್ರಧಾನಿ ಮತ್ತು ಪಿಟಿಐ ಅಧ್ಯಕ್ಷ ಇಮ್ರಾನ್ ಖಾನ್ ಅವರು ತಿರುಗೇಟು ನೀಡಿದ್ದು,ವಿಶ್ವದಾದ್ಯಂತ ಯುದ್ಧಗಳಲ್ಲಿ ಭಾಗಿಯಾಗಿರುವ ಯುಎಸ್‌ಗಿಂತ ಭಿನ್ನವಾಗಿ ಪಾಕಿಸ್ಥಾನವು ಅತ್ಯಂತ ಸುರಕ್ಷಿತವಾದ ಪರಮಾಣು ಕಮಾಂಡ್ ಮತ್ತು ನಿಯಂತ್ರಣ ವ್ಯವಸ್ಥೆಯನ್ನು ಹೊಂದಿದೆ ಎಂದು ಹೇಳಿದ್ದಾರೆ.

ಟ್ವೀಟ್ ಮೂಲಕ ತಿರುಗೇಟು ನೀಡಿರುವ ಇದರ ಬಗ್ಗೆ ”ನನ್ನ ಬಳಿ 2 ಪ್ರಶ್ನೆಗಳಿವೆ, ಯಾವ ಮಾಹಿತಿ ಇದೆ ಎಂಬುದರ ಕುರಿತು ನಮ್ಮ ಪರಮಾಣು ಸಾಮರ್ಥ್ಯದ ಕುರಿತು ಈ ಅನಗತ್ಯ ತೀರ್ಮಾನವನ್ನು ಮಾಡಲಾಗಿದೆ. ಪ್ರಧಾನಿಯಾಗಿದ್ದಾಗ, ನಾವು ಅತ್ಯಂತ ಸುರಕ್ಷಿತವಾದ ಪರಮಾಣು ಕಮಾಂಡ್ ಮತ್ತು ನಿಯಂತ್ರಣ ವ್ಯವಸ್ಥೆಗಳಲ್ಲಿ ಒಂದನ್ನು ಹೊಂದಿದ್ದೇವೆ ಎಂದು ನನಗೆ ತಿಳಿದಿದೆ. ಯುದ್ಧಗಳಲ್ಲಿ ಭಾಗಿಯಾಗಿರುವ ಅಮೆರಿಕದಂತಲ್ಲದೆ ಪಾಕಿಸ್ಥಾನ ಯಾವಾಗ ವಿಶೇಷವಾಗಿ ಪರಮಾಣೀಕರಣದ ನಂತರ ಆಕ್ರಮಣವನ್ನು ತೋರಿಸಿದೆ?” ಎಂದು ಇಮ್ರಾನ್ ಖಾನ್ ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ : ಪಾಕಿಸ್ಥಾನ ವಿಶ್ವದ ಅತ್ಯಂತ ಅಪಾಯಕಾರಿ ದೇಶ …: ಅಮೆರಿಕ ಅಧ್ಯಕ್ಷ ಜೋ ಬಿಡೆನ್