ಉಗ್ರ ಶಿಬಿರ ನಾಶಗೊಳಿಸಿ: ಪಾಕ್‌ಗೆ ಭಾರತ ಆಗ್ರಹ

Team Udayavani, Feb 29, 2020, 9:58 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಜಿನೇವಾ: ‘ಜಮ್ಮು ಮತ್ತು ಕಾಶ್ಮೀರದಲ್ಲಿನ ಸಕಾರಾತ್ಮಕ ಅಭಿವೃದ್ಧಿಯ ಹಳಿ ತಪ್ಪಿಸಲು ಯತ್ನಿಸುವ ಮುನ್ನ, ನೀವು ಮೊದಲು ಭಯೋತ್ಪಾದಕರಿಗೆ ಹಣಕಾಸು ನೆರವು ನೀಡುವುದನ್ನು ನಿಲ್ಲಿಸಿ ಮತ್ತು ನಿಮ್ಮ ನೆಲದಲ್ಲಿ ಕಾರ್ಯಾಚರಿಸುತ್ತಿರುವ ಉಗ್ರರ ಶಿಬಿರಗಳನ್ನು
ನಿರ್ಮೂಲನೆ ಮಾಡಿ.’ ಹೀಗೆಂದು ಪಾಕಿಸ್ಥಾನದ ನಾಯಕತ್ವಕ್ಕೆ ಖಡಕ್‌ ಮಾತುಗಳಿಂದ ಸವಾಲೆಸೆದಿದ್ದು ಭಾರತದ ರಾಜತಾಂತ್ರಿಕ ಅಧಿಕಾರಿ ವಿಮರ್ಶ್‌ ಆರ್ಯನ್‌.

ಕಣಿವೆ ರಾಜ್ಯದಲ್ಲಿನ ಮಾನವ ಹಕ್ಕುಗಳ ಉಲ್ಲಂಘನೆ ಕುರಿತು ಪಾಕಿಸ್ಥಾನ ಎತ್ತಿದ ಪ್ರಶ್ನೆಗಳಿಗೆ ಉತ್ತರಿಸಿದ ಆರ್ಯನ್‌, ಉಗ್ರ ಸಂಘಟನೆಗಳ ನೆರವಿನಿಂದ ರಾಜ್ಯದ ಅಭಿವೃದ್ಧಿಯ ಹಳಿ ತಪ್ಪಿಸಲು ಪಾಕ್‌ ಸತತ ಪ್ರಯತ್ನ ಮಾಡುತ್ತಿರುವ ನಡುವೆಯೂ ಜಮ್ಮು-ಕಾಶ್ಮೀರದ ಪರಿಸ್ಥಿತಿಯು ವೇಗವಾಗಿ ಸಹಜ ಸ್ಥಿತಿಗೆ ಮರಳುತ್ತಿದೆ ಎಂದಿದ್ದಾರೆ.