ನಿರ್ಬಂಧದ ಮೂಲಕ ಅಮೆರಿಕದ ಶತ್ರುಗಳನ್ನು ಎದುರಿಸುವ ಕಾಯ್ದೆಯಿಂದ ಭಾರತಕ್ಕೆ ಇರಲಿ ವಿನಾಯಿತಿ

Team Udayavani, Sep 8, 2022, 6:45 AM IST

ವಾಷಿಂಗ್ಟನ್‌: ನಿರ್ಬಂಧದ ಮೂಲಕ ಅಮೆರಿಕದ ಶತ್ರುಗಳನ್ನು ಎದುರಿಸುವ ಕಾಯಿದೆ(ಸಿಎಎಟಿಎಸ್‌ಎ- ಕಾಸ್ಟಾ)ಯಿಂದ ಭಾರತಕ್ಕೆ ವಿನಾಯಿತಿ ನೀಡಲು ಒತ್ತಾಯಿಸಿ ಭಾರತೀಯ ಮೂಲದ ಸಂಸದೆ ರೋ ಖನ್ನಾ ಅಮೆರಿಕದ ಸಂಸತ್‌ನಲ್ಲಿ ಸ್ವತಂತ್ರ ಮಸೂದೆಯನ್ನು ಮಂಡಿಸಿದ್ದಾರೆ.

ರಷ್ಯಾ ಮತ್ತು ಚೀನ ಉತ್ತಮ ಬಾಂಧವ್ಯ ಹೊಂದಿದ್ದು, ಈ ಹಿನ್ನೆಲೆಯಲ್ಲಿ ಆಕ್ರಮಣಾಕಾರರನ್ನು ತಡೆಯುವುದು ಭಾರತ ಮತ್ತು ಅಮೆರಿಕ ಎರಡೂ ದೇಶಗಳ ಹಿತದೃಷ್ಟಿಯಿಂದ ಒಳ್ಳೆಯದು ಎಂದು ಖನ್ನಾ ಪ್ರತಿಪಾದಿಸಿದ್ದಾರೆ.

ರಷ್ಯಾದಿಂದ ಪ್ರಮುಖ ರಕ್ಷಣಾ ಸಾಮಾಗ್ರಿಗಳನ್ನು ಖರೀದಿಸುವ ದೇಶಗಳ ಮೇಲೆ ಸಿಎಎಟಿಎಸ್‌ಎ ಅಡಿಯಲ್ಲಿ ಅಮೆರಿಕ ನಿರ್ಬಂಧ ಹೇರಬಹುದಾಗಿದೆ. ಖನ್ನಾ ಅವರ ಮಸೂದೆಯನ್ನು ಸಂಸದರಾದ ಬ್ರಾಡ್‌ ಶರ್ಮನ್‌ ಮತ್ತು ಡೇವಿಡ್‌ ಶ್ವಿ‌ಕರ್ಟ್‌ ಬೆಂಬಲಿಸಿದ್ದು, ಇದನ್ನು ಮುಂದಿನ ಕ್ರಮಕ್ಕಾಗಿ ಅಮೆರಿಕ ವಿದೇಶಾಂಗ ಸಮಿತಿಗೆ ಕಳುಹಿಸಲಾಗಿದೆ.