India- America ದಲಿತ ಹೋರಾಟಗಾರ ಮಿಲಿಂದ್‌ ಮಕ್ವಾನ ನಿಧನ

Team Udayavani, Jul 25, 2023, 6:13 AM IST

ವಾಷಿಂಗ್ಟನ್‌: ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ಪ್ರಮುಖ ದಲಿತಪರ ಹೋರಾಟಗಾರ ಮಿಲಿಂದ್‌ ಮಕ್ವಾನ (54) ಅವರು ಹೃದಯಾಘಾತದಿಂದ ಸೋಮವಾರ ನಿಧನರಾಗಿದ್ದಾರೆ.

ಕ್ಯಾಲಿಫೋರ್ನಿಯ ವಿಧಾನಸಭೆಯಲ್ಲಿ ಜಾರಿಗೆ ತರಲು ಮುಂದಾಗಿರುವ ಜಾತಿ ತಾರತಮ್ಯ ವಿರೋಧಿ ಮಸೂದೆಯನ್ನು ಮಿಲಿಂದ್‌ ತೀವ್ರವಾಗಿ ಖಂಡಿಸಿದ್ದರು. “ಇದು ಅಮೆರಿಕದಲ್ಲಿರುವ ಇತರೆ ಹಿಂದೂಗಳು ಹಾಗೂ ದಲಿತರ ನಡುವೆ ತಾರತಮ್ಯ ಮೂಡಿಸಲಿದೆ’ ಎಂದು ಹೇಳಿದ್ದ ಅವರು ಇತ್ತೀಚೆಗೆ ಈ ವಿಚಾರವಾಗಿ ಸಿಟಿ ಕೌನ್ಸಿಲ್‌ ಸಭೆಯಲ್ಲಿ ಸುದೀರ್ಘ‌ ಭಾಷಣ ಮಾಡಿದ್ದರು.

ಮಿಲಿಂದ್‌ ಅವರು ಹಿಂದೂ ಸ್ವಯಂಸೇವಕ್‌ ಸಂಘ (ಎಚ್‌ಎಸ್‌ಎಸ್‌)ದಲ್ಲಿ ಪ್ರಮುಖವಾಗಿ ಗುರುತಿಸಿಕೊಂಡಿದ್ದರು. “ಸೇವಾ ಇಂಟರ್‌ನ್ಯಾಷನಲ್‌ ಅಮೆರಿಕ’ದಲ್ಲಿ ಸಕ್ರಿಯ ಸ್ವಯಂಸೇವಕರಾಗಿದ್ದರು. ಜತೆಗೆ “ಅಂಬೇಡ್ಕರ್‌-ಪುಲೆ ನೆಟÌರ್ಕ್‌ ಆಫ್ ಅಮೆರಿಕನ್‌ ದಲಿತ್ಸ್ ಆ್ಯಂಡ್‌ ಬಹುಜನ್ಸ್‌’ ಸಂಸ್ಥೆಯ ಸದಸ್ಯರಾಗಿದ್ದರು. ಅಮೆರಿಕದಲ್ಲಿ ಭಾರತೀಯ ದಲಿತರ, ಶೋಷಿತರ ಪರವಾದ ಹೋರಾಟಗಳು, ಸಮಾವೇಶಗಳು ಮತ್ತು ವಿಚಾರ ಸಂಕಿರಣಗಳಲ್ಲಿ ಮಿಲಿಂದ್‌ ಅವರು ಸಕ್ರಿಯವಾಗಿ ಪಾಲ್ಗೊಳ್ಳುತ್ತಿದ್ದರು.