Academic Award: ಭಾರತೀಯ ಮೂಲದ ಇಂಜಿನಿಯರ್‌ಗೆ ಟೆಕ್ಸಾಸ್‌ನ ಅತ್ಯುನ್ನತ ಶೈಕ್ಷಣಿಕ ಪ್ರಶಸ್ತಿ

Team Udayavani, Feb 26, 2024, 9:10 AM IST

ಟೆಕ್ಸಾಸ್‌: ಟೆಕ್ಸಾಸ್: ಭಾರತೀಯ ಮೂಲದ ಖ್ಯಾತ ಕಂಪ್ಯೂಟರ್ ಇಂಜಿನಿಯರ್ ಪ್ರೊಫೆಸರ್ ಅಶೋಕ್ ವೀರರಾಘವನ್ ಅವರಿಗೆ ಟೆಕ್ಸಾಸ್ ನ ಅತ್ಯುನ್ನತ ಶೈಕ್ಷಣಿಕ ಪ್ರಶಸ್ತಿ ‘ಎಡಿತ್ ಆಂಡ್ ಪೀಟರ್ ಒ’ಡೊನೆಲ್’ ಲಭಿಸಿದೆ.

ಟೆಕ್ಸಾಸ್ ಅಕಾಡೆಮಿ ಆಫ್ ಮೆಡಿಸಿನ್, ಇಂಜಿನಿಯರಿಂಗ್, ವಿಜ್ಞಾನ ಮತ್ತು ತಂತ್ರಜ್ಞಾನ (TAMEST) ಈ ಪ್ರಶಸ್ತಿಯನ್ನು ಉದಯೋನ್ಮುಖ ಸಂಶೋಧಕರಿಗೆ ಈ ಪ್ರಶಸ್ತಿಯನ್ನು ನೀಡುತ್ತದೆ. ಅದರಂತೆ ಈ ವರ್ಷ ಇಂಜಿನಿಯರಿಂಗ್ ವಿಭಾಗದಲ್ಲಿ ವೀರರಾಘವನ್ ಅವರ ಶ್ರಮಕ್ಕಾಗಿ ಈ ಪ್ರಶಸ್ತಿಯನ್ನು ಘೋಷಿಸಲಾಗಿದೆ. ‘ಇಮೇಜಿಂಗ್ ತಂತ್ರಜ್ಞಾನ’ದಲ್ಲಿ ಅವರ ಕ್ರಾಂತಿಕಾರಿ ಸಂಶೋಧನೆಯನ್ನು ಗುರುತಿಸಿ ಈ ಪ್ರಶಸ್ತಿ ನೀಡಲಾಗಿದೆ.

ಚೆನ್ನೈನಲ್ಲಿ ಹುಟ್ಟಿ ಬೆಳೆದ ಅಶೋಕ್ ವೀರರಾಘವನ್ ಪ್ರಸ್ತುತ ರೈಸ್ ವಿಶ್ವವಿದ್ಯಾಲಯದ ಜಾರ್ಜ್ ಆರ್ ಬ್ರೌನ್ ಸ್ಕೂಲ್ ಆಫ್ ಇಂಜಿನಿಯರಿಂಗ್ ನಲ್ಲಿ ‘ಎಲೆಕ್ಟ್ರಿಕಲ್ ಮತ್ತು ಕಂಪ್ಯೂಟರ್ ಇಂಜಿನಿಯರಿಂಗ್’ ವಿಭಾಗದಲ್ಲಿ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಪ್ರಶಸ್ತಿಯನ್ನು ಸ್ವೀಕರಿಸಲು ನನಗೆ ಸಂತೋಷವಾಗಿದೆ. ಕಳೆದ ಒಂದು ದಶಕದಲ್ಲಿ ರೈಸ್ ವಿಶ್ವವಿದ್ಯಾಲಯದ ಕಂಪ್ಯೂಟೇಶನಲ್ ಇಮೇಜಿಂಗ್ ಲ್ಯಾಬ್‌ನಲ್ಲಿ ಅನೇಕ ವಿದ್ಯಾರ್ಥಿಗಳು, ಪೋಸ್ಟ್‌ಡಾಕ್ಟರಲ್ ಫೆಲೋಗಳು ಮತ್ತು ಸಂಶೋಧನಾ ವಿಜ್ಞಾನಿಗಳು ಮಾಡಿದ ಅದ್ಭುತ ಮತ್ತು ನವೀನ ಸಂಶೋಧನೆಗೆ ಇದು ಮನ್ನಣೆಯಾಗಿದೆ, ”ಎಂದು ವೀರರಾಘವನ್ ಹೇಳಿದರು. ಪ್ರಸ್ತುತ ಇಮೇಜಿಂಗ್ ತಂತ್ರಗಳು ತಮ್ಮ ದೃಶ್ಯೀಕರಣ ಗುರಿಗಳನ್ನು ತಲುಪದಂತೆ ತಡೆಯುವ ಬೆಳಕು-ಹರಡುವ ಮಾಧ್ಯಮದ ಮಿತಿಗಳನ್ನು ಪರಿಹರಿಸುವಲ್ಲಿ ತಮ್ಮ ಸಂಶೋಧನೆಯು ಉತ್ತಮ ಪ್ರಗತಿಯನ್ನು ಸಾಧಿಸಿದೆ ಎಂದು ಅವರು ವಿವರಿಸಿದರು.

ಇದನ್ನೂ ಓದಿ: Tragedy: ಬಿಹಾರದ ಕೈಮೂರ್‌ ನಲ್ಲಿ ಭೀಕರ ಅಪಘಾತ: ಇಬ್ಬರು ಮಹಿಳೆಯರು ಸೇರಿ 9 ಮಂದಿ ಮೃತ್ಯು