Hinduphobia; ವಿದ್ಯಾರ್ಥಿ ಸಂಘದ ಚುನಾವಣೆ; ಹಿಂದೂ ಎಂಬ ಕಾರಣಕ್ಕೆ ಅನರ್ಹಗೊಂಡ ವಿದ್ಯಾರ್ಥಿ !

Team Udayavani, Apr 5, 2023, 7:23 AM IST

ಲಂಡನ್‌: ಲಂಡನ್‌ ಸ್ಕೂಲ್‌ ಆಫ್ ಎಕಾನಮಿಕ್ಸ್‌ನಲ್ಲಿ ಹರ್ಯಾಣದ ವಿದ್ಯಾರ್ಥಿ ಕರಣ್‌ ಕಟಾರಿಯಾ ಎಂಬುವರನ್ನು ಹಿಂದೂ ಎನ್ನುವ ಕಾರಣಕ್ಕೆ ವಿದ್ಯಾರ್ಥಿ ಸಂಘದ ಚುನಾವಣೆಯಿಂದ ಅನರ್ಹಗೊಳಿಸಿರುವ ಘಟನೆ ವರದಿಯಾಗಿದೆ.

ಅವರು ಈಗ ಸದ್ಯ ಇಂಗ್ಲೆಂಡ್‌ನ‌ ಕಾನೂನು ವಿವಿಯಲ್ಲಿ ಸ್ನಾತಕೋತ್ತರ ಪದವಿಯಲ್ಲಿದ್ದಾರೆ. ಲಂಡನ್‌ ಸ್ಕೂಲ್‌ ಆಫ್ ಇಕನಾಮಿಕ್ಸ್‌ನ ವಿದ್ಯಾರ್ಥಿ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಹುದ್ದೆಗೆ ಕೆಲವರ ಬೆಂಬಲದಿಂದ ಸ್ಪರ್ಧಿಸಿದ್ದರು. ಆದರೆ ತಾನು ಹಿಂದೂ ಮತ್ತು ಭಾರತೀಯ ಮೂಲದವ ಎಂಬ ಕಾರಣಕ್ಕಾಗಿ ಅಪಪ್ರಚಾರ ನಡೆಸಲಾಯಿತು.

ತಮ್ಮ ವಾದವನ್ನೂ ಆಲಿಸದೆ ಕೇವಲ ಅಪಪ್ರಚಾರವನ್ನೇ ನಂಬಿ ತಮ್ಮನ್ನು ಅನರ್ಹಗೊಳಿಸಲಾಗಿದೆ ಎಂದು ಕರಣ್‌ ದೂರಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಲಂಡನ್‌ ಸ್ಕೂಲ್‌ ಆಫ್ ಇಕನಾಮಿಕ್ಸ್‌ ಚುನಾವಣೆಯ ನಿಯಮ ಬದಲಾವಣೆ ಮಾಡಲಾಗಿದೆ. ಕರಣ್‌ ಅದನ್ನು ಉಲ್ಲಂ ಸಿದ್ದಾರೆ. ಇಲ್ಲಿ ಯಾವುದೇ ಸಮುದಾಯವನ್ನು ನಿಂದಿಸುವುದಿಲ್ಲ. ಪ್ರಜಾಸತ್ತಾತ್ಮಕವಾಗಿಯೇ ವ್ಯವಸ್ಥೆಗಳಿವೆ ಎಂದಿದೆ.