ಪಬ್ಲಿಸಿಟಿ ಹುಚ್ಚು| ಕುಕ್ಕರ್ ಜೊತೆ ಮದುವೆಯಾದ ಭೂಪ

Team Udayavani, Oct 1, 2021, 4:01 PM IST

ಪ್ರಚಾರ ಪಡೆಯಲೆಂದು ಜನರು ನಾನಾ ಬಗೆಯ ಸರ್ಕಸ್ ಮಾಡುವುದುಂಟು. ಅದರಲ್ಲೂ ಸೋಷಿಯಲ್ ಮೀಡಿಯಾಗಳು ಸಕ್ರಿಯವಾದಾಗಿನಿಂದಲೂ ಕೆಲವೊಂದಿಷ್ಟು ಜನರಿಗೆ ಪಬ್ಲಿಸಿಟಿ ಹುಚ್ಚು ಹೆಚ್ಚಾಗಿದೆ ಎಂದರೆ ತಪ್ಪಲ್ಲ. ಈ ಮಾತು ಯಾಕೆ ಹೇಳುತ್ತಿದ್ದೇವೆ ಎಂದರೆ, ಇಲ್ಲೊಬ್ಬ ಭೂಪ ರೈಸ್ ಕುಕ್ಕರ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾನೆ.

ಹೌದು, ಇಂಡೋನೇಷಿಯಾದ ಖೋರಿಲ್ ಅಮನ್ ಎಂಬಾತ ರೈಸ್ ಕುಕ್ಕರ್ ಜೊತೆ ಮದುವೆಯಾಗಿದ್ದಾನೆ. ಪಿಲಿಪ್ಸ್ ಕಂಪನಿಗೆ ಸೇರಿದ ಕುಕ್ಕರ್ ಗೆ ತಾಳಿ ಕಟ್ಟಿದ್ದಾನೆ. ಮದುಮಗನಂತೆ ಡ್ರೆಸ್ ಮಾಡಿಕೊಂಡಿರುವ ಆತ, ಕುಕ್ಕರನ್ನು ಮದುಮಗಳಂತೆ ಶೃಂಗರಿಸಿದ್ದಾನೆ. ಕಾನೂನು ಬದ್ಧವಾಗಿ ಮದುವೆಯಾಗುತ್ತಿದ್ದೇನೆ ಎಂಬುದನ್ನು ಬಿಂಬಿಸಲು ಕೆಲವೊಂದು ಹಾಳೆಗಳ ಮೇಲೆ ಸಹಿ ಹಾಕಿದ್ದಾನೆ. ಮದುವೆ ಬಳಿಕ ಕುಕ್ಕರ್ ಗೆ ಮುತ್ತು ಕೊಟ್ಟಿದ್ದಾನೆ.

Putih, pendiam, pintar memasak, idaman sekali ? pic.twitter.com/vih2KGkAuz

— RJ (@lagidirumah) September 23, 2021

ತನ್ನ ಮದುವೆ ಬಗ್ಗೆ ಹೇಳಿಕೊಂಡಿರುವ ಆತ ಇದು ಬೆಳ್ಳಗಿದೆ, ಚನ್ನಾಗಿ ರೈಸ್ ಮಾಡುತ್ತೆ. ಎಲ್ಲದಕ್ಕಿಂತಲೂ ಮುಖ್ಯವಾದ ವಿಷಯ ಏನೆಂದರೆ ಅದು ಮಾತಾಡುವುದಿಲ್ಲ ಎಂದಿದ್ದಾನೆ. ನಾಲ್ಕು ದಿನಗಳ ಬಳಿಕ ನನ್ನ ಹೆಂಡತಿಗೆ ನಾನು ಡಿವೋರ್ಸ್ ನೀಡಿದ್ದೇನೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಫೋಟೊ ಹಾಕಿದ್ದಾನೆ. ಅವಳಿಗೆ ರೈಸ್ ಮಾಡೋದನ್ನು ಬಿಟ್ಟು ಏನೂ ಗೊತ್ತಿಲ್ಲ ಎಂದು ಕಾರಣ ಹೇಳಿದ್ದಾನೆ.

ಈತನ ಹುಚ್ಚಾಟದ ಫೋಟೊಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಈತನ ಪಬ್ಲಿಸಿಟಿ ಗೀಳಿನ ವಿರುದ್ಧ ನೆಟ್ಟಿಗರು ಗರಂ ಆಗಿದ್ದಾರೆ.

ಈ ರೀತಿಯ ಘಟನೆ ನಡೆದಿದ್ದು ಇದೆ ಮೊದಲಲ್ಲ. ಈ ಮೊದಲು ರಷ್ಯಾ ಮೂಲದ 24 ವರ್ಷದ ಯುವತಿಯೋರ್ವಳು ಬ್ರೀಫ್‍ಕೇಸ್ ಜೊತೆ ಮದುವೆಯಾಗಿದ್ದಳು.