Intimacy;ವಿಶ್ವದ ಅತೀ ಎತ್ತರದ ವ್ಯಕ್ತಿಯೂ, ಅತೀ ಕುಬ್ಜ ಮಹಿಳೆಯೂ ಭೇಟಿಯಾದಾಗ

Team Udayavani, Feb 22, 2024, 6:00 AM IST

ವಾಷಿಂಗ್ಟನ್‌: ಜಗತ್ತಿನ ಅತೀ ಎತ್ತರದ ಮನುಷ್ಯ ಟರ್ಕಿಯ ಸುಲ್ತಾನ್‌ ಕೋಸೆನ್‌(8 ಅಡಿ, 3 ಇಂಚು) ಹಾಗೂ ಜಗತ್ತಿನ ಅತ್ಯಂತ ಕುಬ್ಜ ಮಹಿಳೆ, ಭಾರತೀಯ ನಟಿ ಜ್ಯೋತಿ ಆಮ್ಗೆ (2 ಅಡಿ) ಅವರು ಸೋಮವಾರ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ಭೇಟಿಯಾಗಿದ್ದಾರೆ. ಭೇಟಿಯ ಫೋಟೋಗಳಲ್ಲಿ ಇಬ್ಬರೂ ಅನ್ಯೋನ್ಯವಾಗಿದ್ದು, ಎತ್ತರ ತಾರತಮ್ಯ ತೊಡೆದುಹಾಕುವಂತೆ ಸ್ಫೂರ್ತಿ ನೀಡುತ್ತಿದ್ದಾರೆಂಬ ಪ್ರಶಂಸೆ ವ್ಯಕ್ತವಾಗಿದೆ.

ಇಬ್ಬರ ನಡುವಿನ ಎತ್ತರದ ಅಂತರ ಎಷ್ಟಿದೆಯೆಂದರೆ, ಜ್ಯೋತಿ ಅವರು ಬಹುತೇಕ ಸುಲ್ತಾನ್‌ ಅವರ ಶೂ ಉದ್ದದಷ್ಟೇ ಎತ್ತರವಾಗಿದ್ದಾರೆ. ಬಾಲ್ಯದಲ್ಲಿ ಸುಲ್ತಾನ್‌ “ಪಿಟ್ಯೂಟರಿ ಗಿಗಾಂಟಿಸಂ’ ರೋಗದಿಂದ ಇಷ್ಟು ಎತ್ತರಕ್ಕೆ ಬೆಳೆದಿದ್ದು, ಜ್ಯೋತಿ “ಅಕೊಂಡ್ರೋಪ್ಲಾಸಿಯಾ’ ಎಂಬ ರೋಗಕ್ಕೆ ತುತ್ತಾದ ಕಾರಣ ಬೆಳವಣಿಗೆ ಕುಂಠಿತವಾಗಿದೆ ಎಂದು ತಿಳಿದುಬಂದಿದೆ.