ಹಿಜಾಬ್‌ ಧರಿಸದ್ದಕ್ಕೆ ಮಹಿಳೆಯೊಬ್ಬರನ್ನು ಬಂಧಿಸಿದ ಇರಾನ್‌ ಪೊಲೀಸರು

Team Udayavani, Sep 30, 2022, 11:28 PM IST

ಟೆಹರಾನ್‌: ಹಿಜಾಬ್‌ ಧರಿಸುವುದರ ವಿರುದ್ಧ ಇರಾನ್‌ನಲ್ಲಿ ಮಹಿಳೆ ಯರಿಂದ ಪ್ರತಿಭಟನೆಗಳು ತೀವ್ರಗೊಂಡಿರುವ ನಡುವೆಯೇ ಹೊಟೇಲ್‌ ಒಂದರಲ್ಲಿ ಹಿಜಾಬ್‌ ಧರಿಸದೇ ಉಪಾಹಾರ ಸೇವಿಸಿದಕ್ಕಾಗಿ ಮಹಿಳೆಯೊಬ್ಬರನ್ನು ಇರಾನ್‌ ಪೊಲೀಸರು ಬಂಧಿಸಿದ್ದಾರೆ.

ಇಸ್ಲಾಮಿಕ್‌ ರಾಷ್ಟ್ರ ಇರಾನ್‌ನಲ್ಲಿ ಮಹಿಳೆಯರಿಗೆ ಕಟ್ಟುನಿಟ್ಟಾದ ವಸ್ತ್ರ ಸಂಹಿತೆ ಇದೆ. ಇಬ್ಬರು ಮಹಿಳೆಯರು ಹಿಜಾಬ್‌ ಧರಿಸದೇ ರೆಸ್ಟೋರೆಂಟ್‌ನಲ್ಲಿ ಉಪಾಹಾರ ಸೇವಿಸುತ್ತಿರುವ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಕೆಲವರು ಅಪ್‌ಲೋಡ್‌ ಮಾಡಿದ್ದಾರೆ.

ಈ ವೀಡಿಯೋ ಆಧಾರದಲ್ಲಿ ಮಹಿಳೆಯನ್ನು ಶುಕ್ರವಾರ ಪೊಲೀಸರು ಬಂಧಿಸಿದ್ದಾರೆ. ಮತ್ತೊಬ್ಬ ಮಹಿಳೆಯ ಹುಡುಕಾಟದಲ್ಲಿ ತೊಡಗಿದ್ದಾರೆ.

The woman who posted this photo got arrested for the crime of having breakfast without hijab!

This is the horrific story of being a woman in Iran in 21st century.

Her nam is Donya Rad.

Women will continue their civil disobedience every day.#MahsaAmini#مهسا_امینی pic.twitter.com/zq08SWUL2a

— Masih Alinejad ?️ (@AlinejadMasih) September 30, 2022

ಇತ್ತೀಚೆಗೆ ಹಿಜಾಬ್‌ ಸರಿಯಾಗಿ ಧರಿಸದೇ ಇರುವುದಕ್ಕೆ ಮಹ್ಸಾ ಅಮಿನಿ ಎಂಬ ಯುವತಿಯನ್ನು ಇರಾನ್‌ ಪೊಲೀಸರು ಬಂಧಿಸಿದ್ದರು. ಆಕೆ ಪೊಲೀಸರ ವಶದಲ್ಲಿ ಮೃತಪಟ್ಟಿದ್ದಳು. ಪೊಲೀಸರ ನೈತಿಕಗಿರಿ ಖಂಡಿಸಿ ದೇಶಾದ್ಯಂತ ಪ್ರತಿಭಟನೆ ನಡೆಯುತ್ತಿದೆ.